WESẸDOTẸN INTẸNẸT JI TỌN Watchtower Tọn

WESẸDOTẸN INTẸNẸT JI TỌN

Watchtower Tọn

th nupọnnamẹn 1 w. 4
Homẹbibiọ He Dọnmẹ

Jo Dewe Na Wehihia po Mẹpinplọn Po

th nupọnnamẹn 1 w. 4

NUPỌNNAMẸ 1

Homẹbibiọ He Dọnmẹ

Wefọ he yin dide

Owalọ lẹ 17:22

BLADOPỌ: Homẹbibiọ towe dona fọnjlodotenamẹ, zinnudo hosọ towe ji bo do nuhewutu hosetọ towe lẹ dona tindo ojlo to e mẹ hia yé.

NUHE A NA WÀ:

Fọnjlodotenamẹ. De kanbiọ, hoyidọ, nujijọ jọnun, kavi linlin de he mẹ hosetọ towe lẹ na tindo ojlo te.

Yí sọwhiwhe do lẹnnupọndo ojlo po ahunmẹdunamẹnu hosetọ towe lẹ tọn po ji jẹnukọn bo dike homẹbibiọ towe ni sọgbe hẹ enẹ.
Zinnudo hosọ towe ji. Tẹnpọn na homẹbibiọ towe ni hẹn hosọ po lẹndai nuzedonukọnnamẹ towe tọn po họnwun na hosetọ towe lẹ.
Do nuhewutu hosọ lọ do yin nujọnu hia. Dike nuhe a na dọ lẹ ni sọgbe hẹ nuhudo hosetọ towe lẹ tọn. Yé dona mọ lehe hosọ lọ gán wà dagbe na yé do hezeheze.

Eyin a to awuwlena hodidọ de, nọ kanse dewe dọ, ‘Ninọmẹ tẹlẹ wẹ mẹmẹsunnu po mẹmẹyọnnu ṣie lẹ po to pipehẹ to agun lọ mẹ?’ Enẹgodo, wleawuna homẹbibiọ towe sọgbe hẹ nuhudo yetọn lẹ.