Hodidọ po Nujikudo Po

1 Tẹsalonikanu lẹ 1:5

BLADOPỌ: Dohia dọ a kudeji mlẹnmlẹn dọ nuhe plọnmẹ a te yin nugbo bosọ yin nujọnu.

NUHE A NA WÀ:

• Wleawu ganji. Gbadopọnna nudọnamẹ lọ kakajẹ whenue a na mọnukunnujẹ zẹẹmẹ Owe-wiwe tọn lọ lẹpo mẹ bo mọ lehe yé gán hẹnmẹ wá tadona he sọgbe kọ̀n do. Tẹnpọn nado yí hogbe kleun he bọawu lẹ do basi zẹẹmẹ nuagokun tangan nuzedonukọnnamẹ towe tọn lẹ tọn. Ze ayidonugo do lehe e na hẹn ale wá na hosetọ towe lẹ do ji. Hodẹ̀ nado biọ gbigbọ wiwe.

• Yí hogbe he do nujikudo hia lẹ zan. Kakati nado to hogbe he ko yin kinkan do zinjẹgbonu lẹ mẹ pẹpẹ vọ́ dọ poun, yí hogbe towe titi lẹ zan. Dọho to aliho de mẹ nado dohia dọ a kudo nuhe dọ a te lẹ ji.

• Yí ahundopo do dọho po zohunhun po. Dọho po gbèzeyiaga he jẹ po. To fihe e sọgbe nado wàmọ te, nọ pọ́n nukun ji na hosetọ towe lẹ.