Mẹdevo lẹ Ni Mọnukunnujẹemẹ

1 Kọlintinu lẹ 14:9

BLADOPỌ: Gọalọna hosetọ towe lẹ nado mọnukunnujẹ nuhe dọ a te lẹ mẹ.

NUHE A NA WÀ:

• Gbadopọnna nudọnamẹ towe ganji. Mọnukunnujẹ hosọ lọ mẹ sọmọ bọ a sọgan yí hogbe towe titi lẹ do basi zẹẹmẹ etọn po awubibọ po.

• Yí hodidọ kleunkleun he bọawu lẹ zan. Dile etlẹ yindọ hodidọ towe delẹ gán nọ dite, nọ nọ̀ glido to whenue a to nùzindo nuagokun tangan lẹ ji.

• Basi zẹẹmẹ hogbe he mẹsusu ma jẹakọ hẹ lẹ tọn. Ma nọ yí hogbe he hosetọ towe lẹ ma jẹakọ hẹ susu zan blo. Eyin e biọ dọ a ni donù hogbe, mẹhe go Biblu dọhodo, gọna nujijlẹ kavi aṣa hohowhenu tọn he mẹsusu ma jẹakọ hẹ de go janwẹ, nọ basi zẹẹmẹ yetọn.