Bladopọ Adà 1 Tọn

Numọtolanmẹ tẹwẹ opagbe he yin dido to Biblu mẹ gando sọgodo go lẹ hẹn we tindo?

Naegbọn a do yise dọ Ohó Jiwheyẹwhe tọn wẹ Biblu yin?

Naegbọn e do yin nujọnu nado nọ yí yinkọ Jehovah tọn zan?

Biblu dọ dọ Jiwheyẹwhe wẹ yin “asisa ogbẹ̀ tọn.” (Salmu lẹ 36:9) Be a yí enẹ sè ya?

Hia Howhinwhẹn lẹ 3:32.

• Naegbọn Jehovah do yin Họntọn dagbe hugan he mí sọgan tindo?

• Etẹlẹ wẹ Jehovah nọ donukun sọn họntọn etọn lẹ si? Be a lẹndọ enẹ sọgbe hẹ lẹnpọn dagbe ya?

  (Pọ́n Nupinplọn 07 po 08 po.)

Hia Salmu lẹ 62:8.

• Etẹlẹ go wẹ a ko hodẹ̀ hlan Jehovah gando? Nudevo tẹlẹ go wẹ a gán hodẹ̀ gando?

• Nawẹ Jehovah nọ na gblọndo na odẹ̀ lẹ gbọn?

  (Pọ́n Nupinplọn 09.)

Hia Heblu lẹ 10:24, 25.

• Nawẹ opli Kunnudetọ Jehovah tọn lẹ tọn gán hẹn ale wá na we gbọn?

• Be a lẹndọ e yin nujọnu dọ a ni dovivẹnu nado yì opli lẹ ya?

  (Pọ́n Nupinplọn 10.)

Naegbọn e do yọ́n nado nọ hia Biblu to gbesisọ mẹ? Tito tẹwẹ a ko basi nado nọ hia Biblu egbesọegbesọ?

Etẹwẹ a yiwanna hugan to Biblu pinplọn towe mẹ kakajẹ din?

Sọn whenue a bẹ Biblu pinplọn jẹeji, nuhahun tẹlẹ wẹ a ko pehẹ? Etẹwẹ gán gọalọna we nado zindonukọn to nupinplọn towe mẹ?