Awuvẹmẹ

Nuhe Jesu Wà

VIDEO: Onú Gbẹtọgun lọ Tọn Wàlẹblanuna Jesu

1. Pọ́n VIDEO lọ, kavi hia Malku 6:30-34. Enẹgodo, lẹnnupọndo kanbiọ he bọdego lẹ ji:

1. Naegbọn Jesu po apọsteli etọn lẹ po jlo na “nọ yedeṣo”?

2. Etẹwẹ whàn Jesu nado plọnnu gbẹtọgun lọ?

Etẹwẹ Nuyiwa Jesu Tọn Ehe Plọn Mí?

2. Awuvẹmẹ nọ whàn mí nado hò gbẹtọ lẹ tọn pọ́n, kakati nado na ayidonugo owẹ̀n he mí hẹnwa kẹdẹ.

Hodo Apajlẹ Jesu Tọn

3. Nọ dotoaina mẹlẹ po sọwhiwhe po. Na dotẹnmẹ mẹlọ nado dọ linlẹn etọn. Ma nọ gbòhódonù na ẹn kavi yawu dovọ́na numọtolanmẹ, ahunmẹdunamẹnu kavi linlẹn etọn he jẹagọ lẹ blo. Eyin a nọ dotoaina ẹn po sọwhiwhe po, a na dohia ẹ dọ linlẹn etọn lẹ to ahunmẹduna we.

4. Nọ lẹnnupọndo jlodotọ lọ ji. Sọgbe hẹ hodọdopọ he a nọ tindo hẹ ẹ lẹ, kanse dewe dọ:

1. ‘Naegbọn e dona yọ́n nugbo lọ?’

2. ‘Nawẹ Biblu pinplọn sọgan hẹn gbẹzan etọn egbesọegbesọ tọn po sọgodo etọn po pọnte dogọ gbọn?’

5. Nọ dọhodo nudọnamẹ he sọgbe hẹ nuhudo etọn lẹ ji. Dile e gán yawu yọnbasi do, dohia ẹ lehe tito Biblu pinplọn tọn de gán na gblọndo kanbiọ etọn lẹ bo gán gọalọna ẹn to aliho tangan devo lẹ mẹ do.