Owanyi Wunmẹ He Yiaga Hugan Lọ

TO SUHUGAN nujijọ lẹ tọn mẹ to Owe Wiwe Glẹki Klistiani tọn, kavi Alẹnu Yọyọ lọ mẹ, hogbe lọ “owanyi” yin lẹdogbedevomẹ hogbe Glẹki a·gaʹpe tọn.

To zẹẹmẹ hogbe enẹ tọn bibasi mẹ, Étude Perspicace des Écrituresa dọmọ: “[A·gaʹpe] mayin numọtolanmẹ didohia, heyin zize sinai do kanṣiṣa mẹdetiti tọn ji, dile gbẹtọ lẹ nọ saba lẹn do gba, ṣigba yin owanyi walọ dagbe kavi hagbẹ tọn heyin zize sinai do gbeyiyi sọn ojlo mẹ wá ji taidi whẹho nunọwhinnusẹ́n, azọngban, po jijọ dagbe tọn po, he nọ dín dagbe mẹdevo tọn po ahundopo po to nuhe sọgbe mẹ. A·gaʹpe (owanyi) nọ duto okẹ̀n lẹ ji, bo ma nọ dike ehelẹ ni hẹnmẹ gbẹ́ nunọwhinnusẹ́n he sọgbe lẹ dai bo yiahọsu pọ́n gbede.”

A·gaʹpe sọgan sọ bẹ numọtolanmẹ sisosiso hẹn. ‘Mì tindo owanyi he hunzo [a·gaʹpe] to mìde ṣẹnṣẹn,’ wẹ yin tudohomẹnamẹ apọsteli Pita tọn. (1 Pita 4:8) Enẹwutu, mí sọgan dọ dọ ahun po ayiha po wẹ a·gaʹpe bẹhẹn. Naegbọn a ma na gbadopọnna wefọ delẹ he do huhlọn owanyi he yiaga hugan ehe tọn po lehe e gbloada do sọ po hia? Alọdlẹndonu he bọdego ehelẹ sọgan gọalọ: Matiu 5:43-47; Johanu 15:12, 13; Lomunu lẹ 13:8-10; Efesunu lẹ 5:2, 25, 28; 1 Johanu 3:15-18; 4:16-21.

[Nudọnamẹ Odò Tọn]