Na Jọja Lẹ

Dapana Gbẹdido Ylankan!

Anademẹ he na yin hihodo: Wà ehe to lẹdo he ma tindo ayihafẹsẹnamẹnu depope mẹ. Dile hiẹ to wefọ lọ lẹ hia, pọ́n dewe hlan taidi mẹhe to mahẹ tindo to nujijọ lọ mẹ. Yí nukun homẹ tọn do pọ́n nujijọ lọ. Sè ogbè mẹhe to hodọ lẹ tọn. Tindo numọtolanmẹ dopolọ hẹ mẹhe yin tọ́ntlọ́ngbọ́n to nujijọ lọ mẹ lẹ. Pọ́n nujijọ lọ lẹ taidi nuhe to jijọ to alọnu.

Mẹhe yin tọ́ntlọ́ngbọ́n to nujijọ lọ mẹ lẹ: Dina, Ṣẹkẹmi, Jakọbu, Simeoni po Levi po.

Bladopọ: Ṣẹkẹmi zanhẹ Dina gánnugánnu, podọ nọvisunnu etọn lẹ gblehomẹ bo yiahọsu.

1 GBADOPỌNNA NUJIJỌ LỌ.—HIA GẸNẸSISI 34:1-31.

Nuwiwa tẹlẹ wẹ a lẹndọ e na ko kọ̀n Dina po hagbẹ etọn lẹ po dopọ to Kenani?

․․․․․

Ohó nankọ wẹ a lẹndọ Ṣẹkẹmi na ko yí do “diọlinlẹnna, NW” Dina?

․․․․․

Numọtolanmẹ tẹwẹ a lẹndọ kọnugbè Jakọbu tọn na ko dohia to whenue e to wiwọhẹ Simeoni po Levi po to wefọ 30tọ mẹ?

․․․․․

2 DINDONANU DOGỌ.

Naegbọn a lẹndọ Dina do nọ yì dla viyọnnu Kenani tọn lẹ pọ́n whẹwhẹ? (Di apajlẹ, etẹwẹ a lẹndọ e na ko kọ̀n yé dopọ? Etẹwẹ Dina na ko mọ to omẹ Kenani tọn lẹ ṣẹnṣẹn bọ e ma mọ to owhé etọn gbè?)

․․․․․

Jẹhẹnu he dọnmẹdogo tẹlẹ wẹ Dina na ko mọ to Ṣẹkẹmi si? (Vọ́ wefọ 3, 12 po 19 po hia.)

․․․․․

Nawẹ Biblu dohia dọ Dina ma jlo na tindo kọndopọ zanhẹmẹ tọn hẹ Sẹkẹmi gbọn? (Vọ́ wefọ 2 hia.)

․․․․․

Be a lẹndọ owhẹ̀ Simeoni po Levi po tọn whẹ́n nado yiahọsu gbọn tòmẹnu Sẹkẹmi tọn lẹ hùhù dali ya? Naegbọn a lẹndọ owhẹ̀ yetọn whẹ́n kavi lẹndọ owhẹ̀ yetọn ma whẹ́n?

․․․․․

3 YÍ NUHE A PLỌN LẸ ZAN. KÀN NUHE A PLỌN LẸ DAI GANDO NUHE BỌDEGO EHELẸ GO . . .

Nuhudo lọ nado de gbẹdohẹmẹtọ towe lẹ po nuyọnẹn po.

․․․․․

Nuhudo lọ nado tindo mawazẹjlẹgo, eyin a tlẹ tindo whẹwhinwhẹ́n nado gblehomẹ.

․․․․․

NUPLỌNMẸ DEVO.

Afọdide tẹlẹ wẹ hiẹ sọgan ze na mẹhe ma tindo sisi na nujinọtedo walọ dagbe tọn Jiwheyẹwhe tọn lẹ ni ma do klọ we bo zanhẹ we blo?

․․․․․

4 ADÀ TẸWẸ FỌNJLODOTENA WE HUGAN TO KANDAI EHE MẸ, PODỌ ETẸWUTU?

․․․․․