Kanbiọ Sinai Do Biblu Ji

Fie wẹ Lẹgba wá sọn?

Jiwheyẹwhe ma dá Lẹgba. Kakatimọ, Jiwheyẹwhe dá angẹli he wá lẹzun Lẹgba to godo mẹ, bosọ nọ yin yiylọdọ Satani. Biblu dohia dọ to ojlẹ de mẹ, Lẹgba yin nugbonọ bosọ yin mẹpipe. Enẹwutu, angẹli Jiwheyẹwhe tọn dodonọ de wẹ Lẹgba yin to dowhenu.—Hia Ezekiẹli 28:15.

Nawẹ angẹli nugbonọ de sọgan lẹzun Lẹgba gbọn?

Angẹli he lẹzun Lẹgba, basi dide nado jẹagọdo Jiwheyẹwhe bo sisẹ́ asu po asi po tintan lọ nado kọnawudopọ hẹ ẹ. Gbọnmọ dali, e hẹn ede lẹzun Satani he zẹẹmẹdo “Agọjẹdomẹtọ.”—Hia Gẹnẹsisi 3:1-5; Osọhia 12:9.

Taidi nudida nuyọnẹntọ Jiwheyẹwhe tọn he pò lẹ, angẹli he lẹzun Lẹgba tindo mẹdekannujẹ nado basi nudide to dagbe po oylan po ṣẹnṣẹn, ṣigba ewọ wleawuna ojlo lọ nado yin sinsẹ̀n-basina. Ojlo etọn nado mọ gigo yí sinyẹn hugan ojlo etọn nado hẹn homẹ Jiwheyẹwhe tọn hùn.—Hia Matiu 4:8, 9; Jakọbu 1:13, 14.

Nawẹ Lẹgba zindonukọn nado to nuyiwa do gbẹtọvi lẹ ji gbọn? Be hiẹ dona nọ dibuna ẹn wẹ ya? Hiẹ sọgan mọ gblọndo na kanbiọ enẹlẹ to Biblu mẹ.

Na nudọnamẹ dogọ, pọ́n weta 10tọ owe Etẹwẹ Biblu Plọn Mí Taun? tọn, he Kunnudetọ Jehovah tọn lẹ zinjẹgbonu