Etẹwẹ Biblu Plọn Mí?

Be jijọho na wá tin to aigba ji gbede ya?

Etẹ mì na dọ?

• Mọwẹ

• Lala

• N’ma yọnẹn

Nuhe Biblu dọ

To gandudu Jesu Klisti tọn glọ, “jijọho na sudeji kakajẹ whenue osun ma na tin ba”​—enẹ wẹ kakadoi.​—Salmu lẹ 72:7.

Nudevo tẹwẹ mí sọgan plọn sọn Biblu mẹ?

• Mẹylankan lẹ na yin didesẹ sọn aigba ji, ehe na zọ́n bọ mẹdagbe lẹ na nọ “mọ awuvivi susu to jijọho susugege mẹ.”​—Salmu lẹ 37:10, 11.

• Jiwheyẹwhe na hẹn awhàn lẹpo wá opodo.​—Salmu lẹ 46:8, 9.

Be e yọnbasi nado tindo jijọho ahun mẹ tọn nujọnu tọn todin ya?

Mẹdelẹ yise . . . dọ e ma yọnbasi nado tindo jijọho ahun mẹ tọn nujọnu tọn dile e na dẹnsọ bọ aihọn lọ na gọ́ na yajiji po mawadodo po. Etẹ mì lẹn?

Nuhe Biblu dọ

Etlẹ yin todin, mẹhe dọnsẹpọ Jiwheyẹwhe lẹ sọgan tindo “jijọho Jiwheyẹwhe tọn he yiaga hugan nukunnumọjẹnumẹ lẹpo.”​—Filipinu lẹ 4:6, 7.

Nudevo tẹwẹ mí sọgan plọn sọn Biblu mẹ?

• Jiwheyẹwhe dopagbe dọ emi na de yajiji po mawadodo po sẹ̀ bo ‘na hẹn nulẹpo zun yọyọ.’​—Osọhia 21:4, 5.

• Mí sọgan tindo jijọho ahun mẹ tọn, eyin mí nọ penukundo “nuhudo gbigbọmẹ tọn” mítọn go.​—Matiu 5:3.