Nuhe Na Yin Didọ Gando Linlinnamẹwe lẹ Go

Atọ̀họ̀-Nuhihọ́ Lọ Tọn Avril-Juin

“Mẹdelẹ nọ dọ dọ Jesu wẹ ovi dopo gee he Malia ji to whenue mẹdevo lẹ nọ sọalọakọ́n dọ e tindo nọvi lẹ. Etẹwẹ hiẹ lẹn? [Jotẹnna gblọndo.] Ojlofọndotenamẹnu wẹ e yin nado yọ́n lehe Biblu na gblọndo kanbiọ enẹ tọn do. [Hia Malku 6:3.] Hosọ ehe na gọalọna we nado mọ gblọndo na kanbiọ susu he gbẹtọ lẹ nọ kanse gando Jesu go.” Ze hosọ he bẹsọn weda 12tọ ji donukọnnamẹ.

***

“Mẹlẹpo wẹ e nọ vẹawuna to whedelẹnu nado setonu. Ṣigba be a yọnẹn dọ Jesu lọsu tlẹ plọn nado setonu ya? [Jotẹnna gblọndo. Enẹgodo Hia Heblu lẹ 5:8.] Be a yọ́n mẹhe yọpọvu lẹpo dona setonuna ya? Hosọ ehe na gblọndo lọ.” Ze hosọ he bẹsọn weda 30tọ ji donukọnnamẹ.

Réveillez-vous! Mai

“Be a lẹndọ ninọmẹ akuẹzinzan tọn na pọnte to madẹnmẹ ya? [Jotẹnna gblọndo.] Mẹsusu ma yọ́n lehe Biblu sọgan gọalọna mí do to ninọmẹ sinsinyẹn mọnkọtọn lẹ mẹ. [Hia wefọ de sọn hosọ lọ mẹ.] Hosọ ehe do lehe ayinamẹ he tin to Biblu mẹ lẹ sọgan gọalọna mí nado pehẹ ninọmẹ akuẹzinzan tọn he go yè ma sọgan dejido do hia.” Ze hosọ he bẹsọn weda 18tọ ji donukọnnamẹ.

Réveillez-vous! Juin

“E taidi dọ ogbẹ̀ fọ́n bo to apọṣimẹ hẹnwa na mí. Be hiẹ kẹalọyi ya? [Jotẹnna gblọndo.] Mẹsusu nọ lẹndọ hogbe ehelẹ basi zẹẹmẹ whẹwhinwhẹ́n dopo he wutu apọṣimẹ do tin sọmọ tọn. [Hia 2 Timoti 3:1.] Linlinnamẹwe ehe dọhodo lehe apọṣimẹ nọ yinuwado mí ji do ji. E sọ na ayinamẹ delẹ do lehe mí sọgan pehẹ apọṣimẹ do ji.”