Nuhe Na Yin Didọ Gando Linlinnamẹwe lẹ Go
Atọ̀họ̀-Nuhihọ́ Lọ Tọn Janvier-Mars
“Mẹsusu nọ kanse yede dọ: Eyin Jiwheyẹwhe yiwanna mí, naegbọn yajiji do sù sọmọ? Be hiẹ lọsu nọ kàn kanbiọ mọnkọtọn sè dewe ya? [Jotẹnna gblọndo. Enẹgodo hia 1 Johanu 4:8.] Hosọ ehe na gọalọna we nado mọnukunnujẹemẹ dọ Jiwheyẹwhe yiwanna mí nugbonugbo bosọ nọ hò mítọn pọ́n.” Ze hosọ he bẹsọn weda 4tọ ji donukọnnamẹ.
***
“Hia 2 Timoti 3:1-5. Be hiẹ ma yigbe dọ onú ehelẹ gbayipe to egbehe ya? [Jotẹnna gblọndo.] Linlinnamẹwe ehe slẹ wefọ delẹ he dọhodo azán godo tọn lẹ ji bosọ do nuhe mí sọgan wà nado nọgbẹ̀ kakadoi to aihọn he mẹ yajiji depope ma na tin te de mẹ hia mí.” Ze hosọ he tin to weda 8tọ ji donukọnnamẹ.
Réveillez-vous! Février
“Mẹdelẹ yise dọ Mẹdatọ de tin, to whenue mẹdevo lẹ lẹndọ nuyise mọnkọtọn ma sinai do dodonu de ji bo ma sọgbe hẹ lẹnpọn dagbe. Etẹwẹ hiẹ lẹn? [Jotẹnna gblọndo.] Sọgbe hẹ Biblu, yise nugbo nọ sinai do kunnudenu ji. [Hia Heblu lẹ 11:1.] Hosọ ehe dọhodo kunnudenu delẹ ji he dohia dọ mẹdatọ de tin.” Ze hosọ he bẹsọn weda 22tọ ji donukọnnamẹ.
Réveillez-vous! Mars
“Hiẹ na ko yiwanna whanpẹ wẹkẹ lọ tọn dile suhugan gbẹtọ lẹ tọn nọ wà do. Be hiẹ ma kọngbedopọ dọ wẹkẹ lọ bẹ nudida he tindo nuyọnẹn jọwamọ tọn delẹ hẹn ya? [Jotẹnna gblọndo. Enẹgodo hia Psalm 104:24.] Linlinnamẹwe ehe slẹ apajlẹ nudida lẹ tọn he fọnjlodotenamẹ he yin mimọ to wẹkẹ lọ mẹ bosọ dọhodo nuhe yé plọn mí lẹ ji.”