WESẸDOTẸN INTẸNẸT JI TỌN Watchtower Tọn
WESẸDOTẸN INTẸNẸT JI TỌN
Watchtower Tọn
Gungbe
ẹ,ọ,ṣ
  • á
  • à
  • é
  • è
  • Ẹ
  • ẹ
  • ẹ́
  • ẹ̀
  • í
  • ì
  • ó
  • ò
  • Ọ
  • ọ
  • ọ́
  • ọ̀
  • Ṣ
  • ṣ
  • ú
  • ù
  • BIBLU
  • OWE LẸ
  • OPLI LẸ
  • km 11/10 w. 1-2
  • Ogle lẹ Ko Bia Na Gbingbẹ̀n

Video de ma tin na adà ehe

Jaale, nuhahun de wá aimẹ gando video lọ go.

  • Ogle lẹ Ko Bia Na Gbingbẹ̀n
  • Lizọnyizọn Ahọluduta Tọn Mítọn—2010
  • Hosọ Mọnkọtọn
  • Mì Zindonukọn to Azọ́n Jibẹwawhé Tọn Mẹ!
    Atọ̀họ̀-Nuhihọ́ lọ Tọn He To Ahọluduta Jehovah Tọn Lá—2001
  • Mì Yin Jibẹwawhétọ Ayajẹnọ Lẹ!
    Atọ̀họ̀-Nuhihọ́ lọ Tọn He To Ahọluduta Jehovah Tọn Lá—2001
  • Kọdetọn Yẹwhehodidọ Tọn lẹ​—“Ogle lẹ . . . Ko Bia Na Gbingbẹ̀n”
    Ahọluduta Jiwheyẹwhe Tọn to Gandu!
  • Nọ Tindo Mahẹ Gigọ́ to Azọ́n Jibẹwawhé Gbigbọmẹ Tọn Daho lọ Mẹ
    Atọ̀họ̀-Nuhihọ́ lọ Tọn He To Ahọluduta Jehovah Tọn Lá—2010
Pọ́n Nudevo Lẹ
Lizọnyizọn Ahọluduta Tọn Mítọn—2010
km 11/10 w. 1-2

Ogle lẹ Ko Bia Na Gbingbẹ̀n

1. Azọ́n titengbe tẹwẹ to yìyì to alọnu?

1 To whenuena Jesu dekunnuna yọnnu Samalianu de godo, e dọna devi etọn lẹ dọmọ: “Mì ze nukun mìtọn lẹ daga bo pọ́n ogle lẹ hlan, mì na mọdọ yé ko bia na gbingbẹ̀n.” (Joh. 4:35, 36) Jibẹwawhé gbigbọmẹ tọn de to yìyì to alọnu to whenẹnu, podọ Jesu penugo nado mọ obá he mẹ azọ́n mọnkọtọn na gbloada lẹdo aihọn pé jẹ hlan nukọn. Mahopọnna dọ Jesu tin to olọn mẹ, e gbẹ́ pò to mahẹ gigọ́ tindo to azọ́n jibẹwawhé tọn lọ mẹ. (Mat. 28:19, 20) Etẹlẹ wẹ dohia dọ azọ́n ehe to nukọnzindo po awuyiya po dile vivọnu etọn to sisẹpọ?

2. Jideji tẹlẹ wẹ dohia dọ azọ́n jibẹwawhé lẹdo aihọn pé tọn lọ to nukọnzindo po awuyiya po?

2 Jibẹwawhé Lẹdo Aihọn Pé De: To owhe sinsẹ̀nzọn 2009 tọn mẹ, sọha wẹnlatọ lẹ tọn lẹdo aihọn pé tindo jideji 3,2 to kanweko ji. Otò he mẹ azọ́n yẹwhehodidọ tọn lọ yin alọhẹndotena te lẹ tindo jideji 14 to kanweko ji. Sọha plọnmẹ Biblu he yin linlin etọn na to sunmẹsunmẹ lẹ tọn hugan 7619000—yèdọ sọha de he hugan agayiyi sọha wẹnlatọ lẹ tọn, podọ e yí nudi livi daa do hugan sọha plọnmẹ Biblu lẹ tọn to owhe he jẹnukọn mẹ. Dile azọ́n lọ to gbigblodeji po awuyiya po to lẹdo susu mẹ, obiọ susu wẹ yin mimọyi dọ mẹdehlan he ko mọ azọ́nplọnmẹ Giliadi tọn yí lẹ ni yin didohlan. Aigba-denamẹ mẹhe nọ do jonọgbè lẹ tọn to sinsẹ́n susu detọ́n to otò susu mẹ. E họnwun dọ Jehovah wẹ to mizọnmizọn do na azọ́n lọ to ojlẹ vivọnu jibẹwawhé lọ tọn mẹ. (Isa. 60:22) Be hiẹ nọ tindo pọndohlan dagbe gando “ogle” kavi aigba-denamẹ mìtọn lẹ go ya?

3. Tadona tẹ kọ̀n wẹ mẹdelẹ sọgan wá gando jibẹwawhé aigba-denamẹ yetọn tọn go?

3 Jibẹwawhé Aigba-Denamẹ Mìtọn Tọn: Mẹdelẹ sọgan nọ dọ dọ, “Aigba-denamẹ mítọn ma nọ de sinsẹ́n tọ́n sọmọ.” Nugbo wẹ dọ aigba-denamẹ delẹ nọ taidi dehe ma nọ de sinsẹ́n tọ́n di devo lẹ, kavi dọ yé masọ nọ de sinsẹ́n tọ́n di dai ba. Enẹwutu, Kunnudetọ delẹ sọgan wá tadona lọ kọ̀n dọ jibẹwawhé lọ ko doalọte to lẹdo enẹlẹ mẹ, podọ azọ́n de ma pò hugan nado dín omẹ vude he pò lẹ poun. Be mọ wẹ whẹho lọ yin nugbonugbo ya?

4. Pọndohlan he sọgbe tẹwẹ mí dona wleawuna gando lizọnyizọn mítọn go, podọ etẹwutu?

4 Ojlẹ azọ́n sinsinyẹn wiwà tọn wẹ ojlẹ jibẹwawhé tọn nọ yin sọn bẹjẹeji kakajẹ vivọnu. Doayi linlẹn niyaniya-yinyin tọn he tin to ohó Jesu tọn ehelẹ mẹ go dọmọ: “Ojijẹ lọ sù, ṣigba azọ́nwatọ lẹ ma sù. Enẹwutu, mì vẹ̀ Ogán jibẹwawhé lọ tọn nado do azọ́nwatọ lẹ hlan ojijẹ etọn mẹ.” (Mat. 9:37, 38) Jehovah he yin Ogán jibẹwawhé lọ tọn kẹdẹ wẹ yọ́n whenue po fie jideji lọ na wá sọn po. (Joh. 6:44; 1 Kọl. 3:6-8) To whelọnu lo, etẹwẹ yin azọ́ndenamẹ mítọn? Biblu na gblọndo dọmọ: “Donú towe to afọnnu fuu, podọ to whèjai a hẹn alọ towe dote blo.” (Yẹwh. 11:4-6) Mọwẹ, dile azọ́n jibẹwawhé tọn lọ to vivọnu etọn wá, e ma yin ojlẹ lọ die nado hẹn alọ mítọn dote gba!

5. Naegbọn mí dona zindonukọn nado to yẹwhehodọ po zohunhun po to aigba-denamẹ he taidi dehe ma nọ de sinsẹ́n tọ́n lẹ ji?

5 Zindonukọn to Azọ́n Jibẹwawhé Tọn lọ Mẹ: Eyin mí tlẹ ko wazọ́n whlasusu to aigba-denamẹ mítọn ji bọ e taidi dọ e ma nọ de sinsẹ́n tọ́n, mí tindo whẹwhinwhẹ́n dagbe nado yí zohunhun do wà azọ́n lọ po linlẹn niyaniya-yinyin tọn po. (2 Tim. 4:2) Ninọmẹ aihọn lọ tọn he to yinylan dogọ nọ hẹn gbẹtọ lẹ nado diọ pọndohlan yetọn bo lẹnnupọn sisosiso gando sọgodo go. Dile jọja lẹ to whinwhẹ́n, yé sọgan mọdọ emi dona dín hihọ́ po jijọho ahun mẹ tọn po. Linsinsinyẹn mítọn sọgan yinuwado mẹdevo lẹ ji. Mọwẹ, mẹhe ma dotoaina mí wayi lẹ sọgan wàmọ to nukọn mẹ. Humọ, mí dona na avase mẹhe tlẹ nọ gbẹ́ owẹ̀n mítọn sọn ojlo mẹ wá lẹ.—Ezek. 2:4, 5; 3:19.

6. Eyin mí nọ pehẹ avùnnukundiọsọmẹnu lẹ to aigba-denamẹ mítọn ji, etẹwẹ na gọalọna mí nado hẹn zohunhun go?

6 Eyin mí nọ pehẹ avùnnukundiọsọmẹnu lẹ to aigba-denamẹ mítọn ji, etẹwẹ na gọalọna mí nado hẹn zohunhun go? Vlavo mí sọgan yí adà lizọnyizọn lọ tọn devo lẹ, taidi kunnudide to ajọwatẹn lẹ kavi kunnudide gbọn alokan ji dogọ yẹwhehodidọ whédegbè jẹ whédegbè tọn mítọn. Kavi mí sọgan nọ diọ nuzedonukọnnamẹ mítọn lẹ nado dọnsẹpọ gbẹtọ lẹ to aliho devo mẹ. Mí sọgan diọ tito mítọn bo nọ dekunnu to whèjai kavi to ojlẹ devo depope he mẹ gbẹtọ lẹ nọ saba nọ whégbè te. Vlavo mí sọgan plọn ogbè yọyọ de nado sọgan hẹn wẹndagbe lọ jẹ mẹsusu dè. Mí sọgan gbloada na lizọnyizọn mítọn gbọn gbehosọnalitọ whepoponu tọn bibasi dali. Kavi mí sọgan sẹtẹn yì fie nuhudo wẹnlatọ tọn sù te. Eyin mí tindo pọndohlan he sọgbe gando azọ́n jibẹwawhé tọn lọ go, mí na dovivẹnu nado tindo mahẹ gigọ́ to azọ́n titengbe ehe mẹ dile e na yọnbasi do.

7. Kakajẹ whetẹnu wẹ mí dona zindonukọn nado to azọ́n jibẹwawhé tọn lọ wà?

7 Glesi lẹ ma nọ tindo whenu susu nado bẹ jinukun yetọn lẹ wá whé, enẹwutu yé ma nọ gbọjẹ kavi dekanpona azọ́nwiwa kakajẹ whenue azọ́n lọ wá vivọnu. Linlẹn niyaniya-yinyin tọn dopolọ wẹ jibẹwawhé gbigbọmẹ tọn lọ nọ biọ. Kakajẹ whetẹnu wẹ mí dona zindonukọn nado to azọ́n jibẹwawhé tọn lọ wà? Mí dona to mọwà to ojlẹ “vivọnu titonu lọ tọn” mẹ podọ kakajẹ “opodo.” (Mat. 24:14; 28:20) To apajlẹ Lizọnyizọnwatọ daho hugan Jehovah tọn lọ tọn hihodo mẹ, ojlo mítọn wẹ nado wà azọ́n he yin zizedo alọmẹ na mí lọ dotana. (Joh. 4:34; 17:4) Enẹwutu, mì gbọ mí ni zindonukọn nado yí zohunhun, ayajẹ, po pọndohlan he sọgbe po do to lizọnyizọn mítọn hẹndi kakajẹ opodo. (Mat. 24:13) Azọ́n jibẹwawhé tọn lọ ma ko fó!

[Blurb on page 2]

Ojlẹ azọ́n sinsinyẹn wiwà tọn wẹ ojlẹ jibẹwawhé tọn nọ yin sọn bẹjẹeji kakajẹ vivọnu

    Gun Publications | (1976-2025)
    Ṣí Adà Towe
    Hùn Adà Towe
    • Gungbe
    • Dohlan
    • Nujlomẹ Lẹ
    • Copyright © 2025 Watch Tower Bible and Tract Society of Pennsylvania
    • Osẹ́n Nọtẹn lọ Tọn Lẹ
    • Osẹ́n Nudọnamẹ Mẹdetiti Tọn
    • De Osẹ́n Nudọnamẹ Tọn Lẹ
    • JW.ORG
    • Hùn Adà Towe
    Dohlan