Nuhe Na Yin Didọ Gando Linlinnamẹwe lẹ Go

Atọ̀họ̀-Nuhihọ́ lọ Tọn Janvier-Mars

❑ “Dopodopo mítọn wẹ yọ́n mẹdelẹ he taidi mẹhe tindo kọdetọn dagbe ṣigba he gbẹ́ nọ mọdọ nude whè do yé to gbẹzan yetọn mẹ. Etẹwẹ a lẹndọ e whè do yé? [Jotẹnna gblọndo. Enẹgodo, hia Matiu 5:3.] Hosọ ehe basi zẹẹmẹ onú titengbe de tọn he nọ hẹn ayajẹ ahun mẹ tọn po pekọ po wá—enẹ wẹ pekọ hinhẹnwa na nuhudo gbigbọmẹ tọn mítọn lẹ.” Ze hosọ he bẹsọn weda 8tọ ji donukọnnamẹ.

❑ “Mẹdelẹ yise dọ lehe yé do akuẹ sọ, mọ wẹ gbẹzan yetọn na tindo pekọ sọ. Be a lẹndọ enẹ yin nugbo ya? [Jotẹnna gblọndo.] Doayi nuhe dawe adọkunnọ nukundeji de dọ go. [Hia Yẹwhehodọtọ 5:10.] Hosọ ehe zinnudo nuhe họakuẹ tlala hugan adọkunnu lẹ ji.” Ze hosọ he bẹsọn weda 4tọ ji donukọnnamẹ.

Réveillez-vous! Mars

Eyin a dukosọ hẹ jọja de, do hosọ he bẹsọn weda 26tọ ji hia ẹ. Dọ̀n ayidonugo etọn wá hóvila tintan ji bo kanse dọmọ: “Be a lẹndọ hogbe ehelẹ yin nugbo kavi lalo? [Jotẹnna gblọndo. Enẹgodo, hia 2 Kọlintinu lẹ 7:1.] Hosọ ehe dọhodo nuhe a dona yọnẹn gando azọ̀-nùnù go ji, gọna nuhe sọgan gọalọ nado jo aṣa enẹ do.”

Réveillez-vous! Avril

“Be hiẹ ma lẹndọ dopo to nuhe vẹawu hugan na gbẹtọ nado doakọnna lẹ mẹ wẹ mẹyiwanna de hinhẹnbu to okú mẹ ya? [Jotẹnna gblọndo.] Ayinamẹ ehe ko gọalọna mẹsusu. [Hia Psalm 55:22.] Linlinnamẹwe ehe na ayinamẹ yọ́n-na-yizan delẹ he sọgan gọalọ nado doakọnna aluẹmẹninọ, podọ e do lehe mí sọgan ze agbàn mítọn dlan Jiwheyẹwhe ji do hia.”