Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Octobre Tọn

“Gbẹtọ lẹ nọ hodẹ̀ egbesọegbesọ mahopọnna dọ yé tin to otò kavi sinsẹ̀n voovo lẹ mẹ. Be a lẹndọ Jiwheyẹwhe nọ sè odẹ̀ lẹpo ya?” Jotẹnna gblọndo. Enẹgodo, ze vọkan Atọ̀họ̀-Nuhihọ́ lọ Tọn octobre-décembre tọn dopo na ẹn bo gbadopọnna nudọnamẹ he tin to hóvila tintan glọ to weda 24tọ ji hẹ ẹ bosọ hia, e whè gbau dopo to wefọ he yin dide lẹ mẹ. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna kanbiọ he bọdego.

Atọ̀họ̀-Nuhihọ́ lọ Tọn Octobre-Décembre

Do wepa linlinnamẹwe lọ tọn hia bo dọmọ: “Nawẹ hiẹ na na gblọndo kanbiọ ehe tọn gbọn? [Jotẹnna gblọndo.] Pọ́n nuhe Biblu dọ. [Hia 1 Johanu 5:19.] Sọgbe hẹ wefọ ehe, “mẹylankan lọ” kavi Lẹgba, wẹ to gandu do aihọn ehe ji. Ṣigba ehe fọ́n kanbiọ delẹ dote. Fie wẹ Lẹgba wá sọn? Be mẹde tlẹ nọ yinmọ nugbonugbo ya? Nawẹ Jiwheyẹwhe na na ẹn dotẹnmẹ nado dugán dẹnsọ? Linlinnamẹwe ehe do nuhe Biblu dọ hia.”

Réveillez-vous! Octobre

“Mí to hodọdopọ hẹ gbẹtọ lẹ to egbé do gbẹzan whẹndo tọn ji. Etẹwẹ a lẹndọ e yin nuhahun tangan he mẹjitọ lẹ nọ pehẹ dile yé to nukunpedo ovi yetọn lẹ go? [Jotẹnna gblọndo.] Mẹjitọ susu nọ dín ayinamẹ sọn Biblu mẹ. Di apajlẹ, ohó he gọ́ na nuyọnẹn he tin to wefọ ehe mẹ lẹ sọgan gọalọ to mẹplọnlọ dido ovi lẹ go whenu. [Hia Efesunu lẹ 4:31.] Linlinnamẹwe ehe do lehe ayinamẹ Biblu tọn lẹ sọgan gọalọna mẹjitọ lẹ dile yé to ovi yetọn lẹ plọn sọn ovu whenu kaka biọ owhe aflanmẹ tọn lẹ mẹ do hia.”