Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Octobre Tọn

“Mí to dlapọn kleun de basi na kọmẹnu mítọn lẹ nado dọhodopọ do lehe mí sọgan tindo ayajẹ to alọwle mẹ do ji. To egbehe, mẹsusu wẹ nọ yigbe dọ ayajẹ masọ tin to asu po asi po susu ṣẹnṣẹn. Etẹwẹ mìwlẹ lẹn? [Jotẹnna gblọndo.] N’mọdọ ayinamẹ ehelẹ sọgan gọalọ.” Do hosọ he tin to wepa godo tọn Atọ̀họ̀-Nuhihọ́ lọ Tọn octobre-décembre tọn ji hia ẹ bo gbadopọnna hukan tintan po wefọ he yin dide lọ po. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna hukan he bọdego.

Atọ̀họ̀-Nuhihọ́ lọ Tọn Octobre-Décembre

“Mí to dlapọn kleun de basi na kọmẹnu mítọn lẹ na mẹsusu wẹ to nuhà gando lehe yẹdide gblewa tọn lẹ gbayipe do go. Ṣigba, mẹdevo lẹ nọ mọdọ yẹdide enẹlẹ ma ko ylan sọmọ. Etẹwẹ mìwlẹ lẹn? [Jotẹnna gblọndo.] Jesu dohia dọ mí sọgan yọnẹn eyin nude yin dagbe gbọn sinsẹ́n he e nọ detọ́n lẹ dali. [Hia Matiu 7:17; enẹgodo hùn linlinnamẹwe lọ do weda 9tọ.] Linlinnamẹwe ehe do sinsẹ́n he yẹdide gblewa tọn lẹ nọ detọ́n hia. E sọ na ayinamẹ dagbe lẹ gando lehe mẹde sọgan doalọtena aṣa enẹ do go.”

Réveillez-vous! Octobre

“Mì jaale, etẹwẹ yin linlẹn mìtọn gando kanbiọ ehe go: Be mí sọgan tindo ayajẹ eyin mí ma tlẹ tindo nutindo gbẹ̀mẹ tọn susu ya? [Jotẹnna gblọndo.] Mì doayi nuhe Biblu dọ tofi go. [Hia 1 Timoti 6:8.] Linlinnamẹwe ehe do lehe mí sọgan tindo pọndohlan jlẹkaji tọn gando dandannu gbẹ̀mẹ tọn lẹ go do hia bosọ dọhodo onú titengbe atọ̀n he akuẹ ma sọgan họ̀ delẹ ji.”