Be Hiẹ to Nuhe Go A Pé Lẹpo Plọn sọn Jehovah Dè Ya?

1. Nukun tẹwẹ Jehovah do nọ pọ́n nupinplọn?

¹ Jehovah, ‘Nuplọnmẹtọ Daho’ mítọn jlo dọ mí ni yin pinplọn. (Isa. 30:20) Ewọ jẹ nuplọnmẹ ji to whenue e dá Visunnu plọnji etọn godo. (Joh. 8:28) To atẹṣiṣi Adam tọn godo, Jehovah ma doalọtena mẹpinplọn gba, ṣigba e gbọn owanyi dali wleawu anademẹ tọn na gbẹtọvi mapenọ lẹ.—Isa. 48:17, 18; 2 Tim. 3:14, 15.

2. Tito mẹpinplọn tọn tẹwẹ to yìyì to alọnu?

² To egbehe, Jehovah to anadena tito mẹpinplọn tọn daho hugan lọ to whenuho mẹ. Dile Isaia dọ dọdai do, gbẹtọ livi susu lẹdo aihọn pé wẹ to lìnlìn yì ‘osó ohọ̀ Jehovah tọn’ yẹhiadonu tọn lọ ji. (Isa. 2:2) Naegbọn mí dona yì osó ohọ̀ Jehovah tọn ji? Nado plọn ali Jiwheyẹwhe tọn lẹ, enẹ wẹ nado yin pinplọn gbọn Jehovah dali! (Isa. 2:3) To owhe sinsẹ̀nzọn 2010 tọn mẹ, Kunnudetọ Jehovah tọn lẹ yí gànmẹ liva 1,6 zan nado dekunnu podọ nado plọn gbẹtọ lẹ nugbo Biblu tọn. Humọ, to osẹ dopodopo mẹ nupinplọn gbigbọmẹ tọn nọ yin bibasi to agun hugan 105000 mẹ lẹdo aihọn pé, podọ owe mẹpinplọn tọn lẹ nọ yin awuwlena to ogbè 500 linlán mẹ gbọn afanumẹ nugbonọ podọ nuyọnẹntọ lọ dali.

3. Nawẹ hiẹ ko mọaleyi sọn mẹpinplọn Jehovah tọn mẹ gbọn?

³ Mọaleyi sọn E mẹ to Gigọ́ Mẹ: Lehe mí ko mọaleyi sọn mẹpinplọn Jiwheyẹwhe tọn mẹ do sọ! Mí ko plọn dọ Jiwheyẹwhe tindo yinkọ podọ e nọ hò mítọn pọ́n. (Ps. 83:18; 1 Pita 5:6, 7) Mí ko mọ gblọndo na kanbiọ titengbe delẹ taidi: Naegbọn gbẹtọ lẹ do nọ jiya bo nọ kú? Nawẹ yẹn sọgan mọ ayajẹ nujọnu tọn gbọn? Etẹwẹ yin lẹndai ogbẹ̀ tọn? Jehovah ko sọ na mí anademẹ to walọyizan-liho he nọ gọalọna mí nado ‘yin kọdetọn dagbenọ to gbẹzan mítọn mẹ.’—Jọṣ. 1:8.

4. Etẹwẹ yin delẹ to dotẹnmẹ hundote nupinplọn tọn he tin-to-aimẹ na devizọnwatọ Jiwheyẹwhe tọn lẹ mẹ, podọ naegbọn mí dona plọn nuhe go mí pé lẹpo sọn Jehovah dè?

⁴ Humọ, Jehovah ko ze tito mẹpinplọn tọn vonọtaun delẹ dai nado gọalọna susu devizọnwatọ etọn lẹ tọn nado gbloada na sinsẹ̀nzọn yetọn. Dotẹnmẹ hundote he tin-to-aimẹ na mẹdelẹ yin sislẹ to weda 4-6. Eyin ninọmẹ mítọn tlẹ zọ́n bọ mí ma sọgan mọ azọ́nplọnmẹ he yin sislẹ lẹ yí, be mí nọ mọ ale gigọ́ yí sọn mẹpinplọn he Jiwheyẹwhe hẹn tin-to-aimẹ na mí lọ mẹ ya? Be mí nọ na tuli jọja lẹ, he mẹplọntọ yetọn lẹ nọ saba whàn nado doafọna wepinplọn dahodaho aihọn tọn lẹ, nado ze yanwle gbigbọmẹ tọn lẹ dai bo doafọna wepinplọn he yiaga hugan lọ—yèdọ dehe Jiwheyẹwhe nọ plọnmẹ lọ ya? Eyin mí plọn nuhe go mí pé lẹpo sọn Jehovah dè, ehe na gọalọna mí nado duvivi gbẹzan ayajẹ tọn de todin podọ ogbẹ̀ madopodo to sọgodo.—Ps. 119:105; Joh. 17:3.

Dotẹnmẹ Hundote Nupinplọn Tọn Delẹ He Tin-to-Aimẹ to Titobasinanu Jehovah Tọn Mẹ

Klasi Yọnhia-Yọnkàn Tọn Lẹ

• Lẹndai: Nado plọn wehihia po wekinkan po gbẹtọ lẹ na yé nido sọgan plọn Biblu na yede podọ nado plọn nugbo lọ mẹdevo lẹ.

• Ojlẹ: Sọgbe hẹ nuhudo he tin.

• Nọtẹn: Plitẹnhọ Ahọluduta tọn mẹ.

• Mẹhe Sọgan Yì: Wẹnlatọ lẹpo gọna jlodotọ lẹ.

• Afọdide Lẹ: Mẹho agun tọn lẹ nọ wleawuna klasi yọnhia-yọnkàn tọn lẹ sọgbe hẹ nuhudo agun lọ tọn, podọ yé nọ na tuli mẹhe sọgan mọaleyi sọn e mẹ lẹpo nado yì.

Wehọmẹ Lizọnyizọn Yẹwhehọluduta Tọn

• Lẹndai: Nado plọnazọ́n wẹnlatọ lẹ nado yin yẹwhehodọtọ po mẹplọntọ kọdetọn dagbenọ wẹndagbe lọ tọn lẹ po.

• Ojlẹ: Ma na doalọte.

• Nọtẹn: Plitẹnhọ Ahọluduta tọn mẹ.

• Mẹhe Sọgan Yì: Wẹnlatọ lẹpo. Podọ mẹhe nọ kọnawudopọ hẹ agun lọ to gbesisọ mẹ, he kẹalọyi nuplọnmẹ Biblu tọn lẹ bọ gbẹzan yetọn tin to kọndopọ mẹ hẹ nunọwhinnusẹ́n Klistiani tọn lẹ.

• Afọdide Lẹ: Dọna nugopọntọ Wehọmẹ Lizọnyizọn Yẹwhehọluduta tọn.

Klasi Jonọgbè Pinplọn Tọn

• Lẹndai: Nado plọn wẹnlatọ lẹ lehe yé na lá wẹndagbe lọ to ogbè devo mẹ do.

• Ojlẹ: Osun ẹnẹ kavi atọ́n. Klasi lọ lẹ nọ saba yin bibasi to Sibigbe afọnnu na gànhiho dopo kavi awe.

• Nọtẹn: To paa mẹ, Plitẹnhọ Ahọluduta tọn he sẹpọ de.

• Mẹhe Sọgan Yì: Wẹnlatọ he tindo teninọ dagbe bo jlo nado dọyẹwheho to jonọgbè mẹ lẹ.

• Afọdide Lẹ: Wekantẹn alahọ tọn nọ wleawuna klasi lẹ sọgbe hẹ nuhudo he tin.

Plitẹnhọ Ahọluduta Tọn Gbigbá

• Lẹndai: Nado gbá bo vọ́ Plitẹnhọ Ahọluduta tọn lẹ jlado. Ehe ma yin wehọmẹ de, ṣigba to tito ehe mẹ, mẹdezejotọ lẹ nọ plọnazọ́n voovo lẹ nado sọgan gọalọ to azọ́n họ̀gbigbá tọn lẹ mẹ.

• Ojlẹ: Sọgbe hẹ ninọmẹ mẹdezejotọ lọ tọn.

• Nọtẹn: Fidepope he tin to anademẹ alahọ mìtọn tọn glọ. Mẹdezejotọ delẹ sọgan yin oylọ-basina nado gọalọ to azọ́n kọgbọ tọn mẹ to nugbajẹmẹji de whenu to lẹdo he to olá taun de mẹ.

• Nubiọtomẹsi Lẹ: Sunnu po yọnnu po he ko yí baptẹm bo yin pipà gbọn pipli mẹho lẹ tọn dali lẹ. Yé sọgan yin azọ́nyọnẹntọ kavi mẹhe ma plọnazọ́n.

• Afọdide Lẹ: Yí alọdowemẹwe lọ, Construction des Salles du Royaume—Questionnaire pour les volontaires (S-82) to mẹho agun tọn lẹ si bo kanwe gọ́ ẹ.

Wehọmẹ Sinsẹ̀nzọn Gbehosọnalitọ Tọn

• Lẹndai: Nado gọalọna gbehosọnalitọ lẹ na yé nido ‘hẹn lizọnyizọn yetọn di to gigọ́ mẹ.’—2 Tim. 4:5.

• Ojlẹ: Azán ao.

• Nọtẹn: Wekantẹn alahọ tọn wẹ nọ de; e nọ saba yin Plitẹnhọ Ahọluduta tọn he sẹpọ de.

• Nubiọtomẹsi Lẹ: Mẹhe yin gbehosọnalitọ whepoponu tọn e whè gbau na owhe dopo lẹ.

• Afọdide Lẹ: Gbehosọnalitọ lẹ nọ yì wehọmẹ lọ to ojlẹ sisọ mẹ eyin yé mọ nudọnamẹ yí sọn nugopọntọ lẹdo tọn dè.

Wehọmẹ Mẹhe Wá Bẹtẹli Yọyọ lẹ Tọn

• Lẹndai: Wehọmẹ ehe yin awuwlena nado gọalọna mẹhe ṣẹṣẹ wá Bẹtẹli lẹ nado tindo kọdetọn dagbe to sinsẹ̀nzọn yetọn mẹ.

• Ojlẹ: Gànhiho dopo to osẹ dopodopo mẹ na osẹ fọtọ̀n-nukundopo.

• Nọtẹn: Bẹtẹli.

• Nubiọtomẹsi Lẹ: Dona yin hagbẹ whẹndo Bẹtẹli tọn tẹgbẹ tọn kavi mẹdezejotọ whenu-gli tọn he ko to sinsẹ̀n na ojlẹ dindẹn (owhe dopo kavi humọ).

• Afọdide Lẹ: Mẹhe to sinsẹ̀n to Bẹtẹli lẹ nọ yì wehọmẹ lọ to ojlẹ sisọ mẹ.

Wehọmẹ Lizọnyizọn Ahọluduta Tọn

• Lẹndai: Nado plọnazọ́n mẹho po devizọnwatọ lizọnyizọnwiwa tọn lẹ po nado hẹn azọngban nukunpedonugo tọn po titobasinanu tọn lẹ po di. (Owalọ 20:28) Wehọmẹ ehe nọ yin bibasi to owhe delẹ gblamẹ sọgbe hẹ nudide Hagbẹ Anademẹtọ lọ tọn.

• Ojlẹ: To owhe agọe tọn lẹ mẹ, e nọ yin bibasi na azán dopo daa na mẹho lẹ podọ azán dopo na devizọnwatọ lizọnyizọnwiwa tọn lẹ.

• Nọtẹn: E nọ saba yin Plitẹnhọ Ahọluduta tọn kavi Plitẹnhọ Plidopọ tọn he sẹpọ de.

• Nubiọtomẹsi Lẹ: Dona yin mẹho agun tọn kavi devizọnwatọ lizọnyizọnwiwa tọn.

• Afọdide Lẹ: Nugopọntọ lẹdo tọn nọ basi oylọna mẹho lẹ po devizọnwatọ lizọnyizọnwiwa tọn lẹ po.

Wehọmẹ Mẹho Agun Tọn lẹ Tọna

• Lẹndai: Nado gọalọna mẹho lẹ nado hẹn azọngban yetọn lẹ di to agun lọ mẹ.

• Ojlẹ: Azán atọ́n.

• Nọtẹn: Wekantẹn alahọ tọn wẹ nọ de; e nọ saba yin Plitẹnhọ Ahọluduta tọn kavi Plitẹnhọ Plidopọ tọn he sẹpọ de.

• Nubiọtomẹsi Lẹ: Dona yin mẹho agun tọn.

• Afọdide Lẹ: Wekantẹn alahọ tọn wẹ nọ basi oylọna mẹho lẹ.

Wehọmẹ Nugopọntọ Tomẹyitọ lẹ po Asi Yetọn lẹ po Tọnb

• Lẹndai: Nado hẹn nugopọntọ tomẹyitọ po agbegbe tọn lẹ po pegan dogọ to sinsẹ̀nzọn yetọn mẹ podọ na yé nido “wazọ́n sinsinyẹn to hodidọ po mẹpinplọn po mẹ” bo yìn mẹhe yin zizedo alọmẹ na yé lẹ.—1 Tim. 5:17; 1 Pita 5:2, 3.

• Ojlẹ: Osun awe.

• Nọtẹn: Nọ yin dide gbọn wekantẹn alahọ tọn dali.

• Nubiọtomẹsi Lẹ: Dona yin nugopọntọ lẹdo tọn kavi agbegbe tọn.

• Afọdide Lẹ: Wekantẹn alahọ tọn wẹ nọ basi oylọna nugopọntọ tomẹyitọ lẹ po asi yetọn lẹ po.

Wehọmẹ Biblu Pinplọn Tọn Na Mẹmẹsunnu Tlẹnnọ Lẹc

• Lẹndai: Nado wleawuna mẹho po devizọnwatọ lizọnyizọnwiwa tọn he ma ko wlealọ lẹ po dote nado sọgan kẹalọyi azọngban lẹ dogọ. Suhugan mẹhe mọ gbedewema yí to wehọ lọ mẹ lẹ tọn na yin azọ́ndena nado yì sẹ̀n to fie nuhudo sù te to otò yetọn mẹ. Vude to yé mẹ sọgan yin azọ́ndena nado yì sẹ̀n to otò devo mẹ eyin yé hẹn ehe zun yinyọnẹn na wekantẹn alahọ tọn.

• Ojlẹ: Osun awe.

• Nọtẹn: Wekantẹn alahọ tọn wẹ nọ de; e nọ saba yin Plitẹnhọ Plidopọ tọn kavi Plitẹnhọ Ahọluduta tọn de.

• Nubiọtomẹsi Lẹ: Mẹmẹsunnu tlẹnnọ he tindo owhe 23 jẹ 62 lẹ bo tindo agbasalilo bosọ jlo nado wadevizọn na mẹmẹsunnu yetọn lẹ bo na yí yede zan do Ahọluduta lọ tamẹ to fidepope he nuhudo tin te. (Malku 10:29, 30) Yé dona ko sẹ̀n to otẹn azọngban tọn mẹ e whè gbau na owhe awe.

• Afọdide Lẹ: Eyin wehọmẹ ehe tin-to-aimẹ to aigba-denamẹ he wekantẹn alahọ tọn mìtọn nọ deanana lẹ ji, opli mẹhe tindo ojlo nado yì wehọmẹ lọ tọn lẹ nọ yin bibasi to plidopọ lẹdo tọn whenu. Nudọnamẹ dogọ lẹ nọ yin nina to opli ehe ji.

Wehọmẹ Biblu Pinplọn Tọn Na Alọwlemẹ Lẹd

• Lẹndai: Nado na azọ́nplọnmẹ vonọtaun de alọwlemẹ lẹ nado yọ́n-na-yizan dogọ na Jehovah po titobasinanu etọn po. Suhugan mẹhe mọ gbedewema yí to wehọ lọ mẹ lẹ tọn na yin azọ́ndena nado yì sẹ̀n to fie nuhudo sù te to otò yetọn mẹ. Vude to yé mẹ sọgan yin azọ́ndena nado yì sẹ̀n to otò devo mẹ eyin yé hẹn ehe zun yinyọnẹn na wekantẹn alahọ tọn.

• Ojlẹ: Osun awe.

• Nọtẹn: Klasi he jẹnukọn delẹ to yinyin bibasi to Nọtẹn Wepinplọn Watchtower tọn to Patterson, New York, États-Unis. To nukọn mẹ, wehọmẹ ehe na yin bibasi to fidevo lẹ he na yin dide gbọn wekantẹn alahọ tọn dali, ehe nọ saba yin Plitẹnhọ Plidopọ tọn kavi Plitẹnhọ Ahọluduta tọn de.

• Nubiọtomẹsi Lẹ: Dona yin asu po asi po he tindo owhe 25 jẹ 50 bo tindo agbasalilo podọ dona yin mẹhe tin to ninọmẹ dagbe mẹ nado yì sẹ̀n to fihe nuhudo sù te bosọ tindo ojlo nado dọ: “Yẹn die; do mi hlan.” (Isa. 6:8) Humọ, yé dona ko wlealọ e whè gbau na owhe awe bosọ dona tin to sinsẹ̀nzọn whenu gigọ́ tọn mẹ madoalọte e whè gbau na owhe awe.

• Afọdide Lẹ: Eyin wehọmẹ ehe tin-to-aimẹ to aigba-denamẹ he wekantẹn alahọ tọn mìtọn nọ deanana lẹ ji, opli mẹhe tindo ojlo nado yì wehọmẹ lọ tọn lẹ nọ yin bibasi to azán plidopọ vonọtaun tọn whenu. Nudọnamẹ dogọ lẹ nọ yin nina to opli ehe ji.

Wehọmẹ Biblu Pinplọn Watchtower Giliadi Tọn

• Lẹndai: Nado plọnazọ́n gbehosọnalitọ po mẹhe to sinsẹ̀nzọn whenu gigọ́ tọn mẹ devo lẹ po nado sẹ̀n taidi mẹdehlan.

• Ojlẹ: Osun atọ́n.

• Nọtẹn: Nọtẹn Wepinplọn Watchtower tọn to Patterson, New York, États-Unis.

• Nubiọtomẹsi Lẹ: Asu po asi he ko yí baptẹm na owhe atọ̀n bo tindo owhe 21 jẹ 38 to whenue yé to alọdowemẹwe tintan yetọn zedai. Yé dona sè Glẹnsigbe, bo ko wlealọ e whè gbau na owhe awe bosọ dona tin to sinsẹ̀nzọn whenu gigọ́ tọn mẹ madoalọte e whè gbau na owhe awe. Yé dona tindo agbasalilo. Gbehosọnalitọ he to sinsẹ̀n to tògodo (gọna mẹhe to sinsẹ̀n taidi mẹdehlan lẹ); nugopọntọ tomẹyitọ lẹ; hagbẹ whẹndo Bẹtẹli tọn lẹ; gọna mẹhe yì Wehọmẹ Azọ́nplọnmẹ Devizọnwiwa tọn; Wehọmẹ Biblu Pinplọn Tọn Na Mẹmẹsunnu Tlẹnnọ lẹ, po Wehọmẹ Biblu Pinplọn Tọn Na Alọwlemẹ lẹ po wayi lẹ sọgan sọ doalọwemẹ eyin yé jẹ nubiọtomẹsi lọ lẹ kọ̀n.

• Afọdide Lẹ: To anademẹ alahọ delẹ tọn glọ, opli de nọ yin bibasi hẹ mẹhe tindo ojlo nado yì wehọmẹ ehe lẹ to plidopọ agbegbe tọn whenu. Nudọnamẹ dogọ lẹ nọ yin nina to opli ehe ji. Eyin opli enẹ ma nọ yin bibasi to otò towe mẹ bọ e jlo we nado doalọwemẹ na wehọmẹ lọ, a sọgan kanwehlan wekantẹn alahọ tọn na nudọnamẹ dogọ.

Wehọmẹ Hagbẹ Wedegbẹ́ Alahọ Tọn lẹ po Asi Yetọn lẹ po Tọn

• Lẹndai: Nado gọalọna mẹhe to sinsẹ̀n to Wedegbẹ́ Alahọ tọn mẹ lẹ nado penukundo azọ́n anadidena owhé Bẹtẹli tọn, ayidonugo nina whẹho sinsẹ̀nzọn tọn he gando agun lẹ go, anadidena lẹdo lẹ po agbegbe lẹ po to aigba-denamẹ voovo lẹ ji, azọ́n lẹdogbedevomẹ, wezinzin po owe didohlan po tọn gọna nukunpipedo azọ́nwatẹn voovo lẹ go ganji.—Luku 12:48b.

• Ojlẹ: Osun awe.

• Nọtẹn: Nọtẹn Wepinplọn Watchtower tọn to Patterson, New York, États-Unis.

• Nubiọtomẹsi Lẹ: Dona yin hagbẹ Wedegbẹ́ Alahọ tọn kavi Wedegbẹ́ Otò tọn kavi na wá yin dide do otẹn azọngban tọn enẹ mẹ to wehọmẹ lọ godo.

• Afọdide Lẹ: Mẹmẹsunnu po mẹmẹyọnnu lẹ po nọ yin oylọ basina gbọn Hagbẹ Anademẹtọ lọ dali.

[Nudọnamẹ odò tọn]