Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Décembre Tọn

“Mẹsusu wẹ ko basi dọvọdọ hogbe ehelẹ tọn sọn Odẹ̀ Oklunọ tọn mẹ dọmọ: ‘Na ahọluduta towe ni wá. Na ojlo towe ni yin wiwà, kẹdẹdi to olọn mẹ, mọdopolọ to aigba ji.’ Etẹwẹ hiẹ lẹndọ Ahọluduta enẹ yin? [Jotẹnna gblọndo.] Wefọ Biblu tọn ehe sọgan gọalọna mí.” Hia Daniẹli 2:44. Enẹgodo, ze vọkan Atọ̀họ̀-Nuhihọ́ lọ Tọn octobre-décembre tọn dopo na whétọ lọ, podọ hia bosọ gbadopọnna nudọnamẹ he tin to hóvila tintan glọ to weda 8tọ ji hẹ ẹ. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna kanbiọ he bọdego.

Atọ̀họ̀-Nuhihọ́ lọ Tọn Octobre-Décembre

“Naegbọn hiẹ lẹndọ e nọ vẹawuna asu po asi po susu nado didẹ gbemanọpọ yetọn lẹ? [Jotẹnna gblọndo.] Dopo to nuhe mẹ asu po asi po lẹ nọ gboawupo te lẹ mẹ go wẹ wefọ ehe donù. [Hia Jakọbu 1:19.] Hosọ ehe do nuhe asu po asi po lẹ sọgan wà nado didẹ gbemanọpọ lẹ po kọdetọn dagbe po hia.” Ze hosọ he bẹsọn weda 26tọ donukọnnamẹ.

Réveillez-vous! Décembre

Hia 2 Timoti 3:16. Enẹgodo, dọmọ: “Mẹdelẹ kẹalọyi dọ Biblu yin gbigbọdo sọn Jiwheyẹwhe dè to whenue mẹdevo lẹ ma kẹalọyi. Etẹwẹ hiẹ lẹn? [Jotẹnna gblọndo.] Dile etlẹ yindọ pọndohlan lẹ gbọnvo gando whẹho ehe go, gbẹtọ lẹ to paa mẹ nọ kẹalọyi dọ Biblu wẹ owe he pehẹ avùnnukundiọsọmẹnu hugan nado yin kúnsúdona. Linlinnamẹwe ehe basi zẹẹmẹ lehe mẹdelẹ ko dovivẹnu nado sukúndona Biblu bo glọnalina hihia etọn na owhe kanweko susu lẹ do tọn. E sọ basi zẹẹmẹ nuhewutu Biblu gbọṣi aimẹ tọn.”