Be Hiẹ Na Mọaleyi sọn Zinjẹgbonu He Bọawu lọ mẹ Ya?

Zinjẹgbonu Atọ̀họ̀-Nuhihọ́ lọ Tọn oplọn tọn ko tin-to-aimẹ todin to Glẹnsigbe he bọawu mẹ. Zinjẹgbonu ehe yin awuwlena na (1) wẹnlatọ he nọ do Glẹnsigbe lẹ ehe sọgan mọaleyi sọn hogbe he bọawu lẹ yiyizan mẹ, vlavo na yé ma yì wehọmẹ susu wutu; (2) wẹnlatọ he wá plọn Glẹnsigbe lẹ; (3) jọja lẹ, titengbe mẹhe to wehọmẹ dokọ̀ tọn lẹ; gọna (4) plọnmẹ Biblu he ma na mọnukunnujẹ gbigbọnu lẹ mẹ eyin hogbe he bọawu lẹ ma yin yiyizan.

Sọha hukan lẹ tọn, kanbiọ lẹ po hosọ lẹ po sọgbe hẹ dehe tin to zinjẹgbonu he pò lẹ mẹ. Nudọnamẹ dopolọ wẹ yé bẹhẹn, ṣigba hogbe zinjẹgbonu ehe tọn lẹ bọawu hugan. Dile etlẹ yindọ zinjẹgbonu hoho lọ wẹ mẹhe nọ deanana Oplọn Atọ̀họ̀-Nuhihọ́ lọ Tọn po mẹhe nọ hiawe po na nọ yizan adavo eyin mẹsusu to mẹplidopọ lẹ mẹ to zinjẹgbonu he bọawu lọ zan, mẹhe to zinjẹgbonu he bọawu lọ zan lẹ na mọdọ wefọ dide po yẹdide dopolọ lẹ po wẹ tin to e mẹ. Gbọnmọ dali, yé na penugo nado hodo hihia hukan lọ lẹ tọn bo na gblọndo.

Mẹdepope he mọdọ emi na mọaleyi sọn zinjẹgbonu ehe mẹ sọgan basi nuzinzọn etọn to mẹhe nọ penukundo linlinnamẹwe lẹ go dè.