Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Septembre Tọn

“Be hiẹ lẹndọ Jiwheyẹwhe tindo titobasinanu de wẹ ya kavi a lẹndọ e nọ yinuwa hẹ dopodopo gbẹtọvi lẹ tọn? [Jotẹnna gblọndo.] Doayi nuhe yin didọ tofi gando akọta de he Jiwheyẹwhe basi titona to owhe susu lẹ die go.” Hùn zinjẹgbonu Atọ̀họ̀-Nuhihọ́ lọ Tọn juillet-septembre tọn do weda 14, bo gbadopọnna nudọnamẹ he tin to hóvila tintan glọ hẹ whétọ lọ gọna e whè gbau dopo to wefọ he yin dide lẹ mẹ. Ze linlinnamẹwe lọ lẹ donukọnnamẹ bo basi tito nado lẹkọwa nado gbadopọnna gblọndo kanbiọ he bọdego tọn.

Atọ̀họ̀-Nuhihọ́ lọ Tọn Juillet-Septembre

“Mímẹpo wẹ nọ jlo dọ mẹdevo lẹ, titengbe mẹhe mí yiwanna lẹ, ni yọ́n pinpẹn vivẹnudido mítọn lẹ tọn. Ṣigba, be hiẹ lẹndọ Jiwheyẹwhe nọ yọ́n pinpẹn vivẹnu he mí nọ do nado sẹ̀n ẹn lẹ tọn ya? [Jotẹnna gblọndo.] Pọ́n nuhe Biblu dọ tofi. [Hia Heblu lẹ 11:6.] Hosọ ehe do lehe Jiwheyẹwhe yinuwa hẹ dawe de he ze ogbẹ̀ etọn do owù mẹ nado whlẹn dopo to yẹwhegán Etọn lẹ mẹ do hia.” Ze hosọ he tin to weda 23tọ ji donukọnnamẹ.

Réveillez-vous! Septembre

“Mẹsusu nọ dọ dọ ogbẹ̀ to aigba ji na doalọte to gbèdopo, vlavo to awhàn nuzanusẹvaun tọn kavi to nugbajẹmẹji jọwamọ tọn de whenu. Be hiẹ lẹndọ mí dona ylọ hodidọ mọnkọtọn lẹ dọ nujọnu wẹ ya, kavi hopàdọ poun lẹ wẹ yé yin? [Jotẹnna gblọndo.] Biblu dopagbe homẹmiọnnamẹ tọn ehe. [Hia Psalm 37:29.] Linlinnamẹwe ehe dọhodo delẹ to nuhe mẹsusu nọ saba dọ dọ e na jọ to whẹdazangbe po nuhe Biblu dọ dọ e na jọ to sọgodo lẹ po ji.”