Nuzedonukọnnamẹ Lẹ
Nado Bẹ Plọnmẹ Biblu lẹ Jẹeji to Sibigbe Tintan Osun Septembre Tọn
“Mẹsusu wẹ yise dọ okú Jesu tọn hẹn ale susu wá na gbẹtọvi lẹ. Ayihaawe ma tin dọ nuhe mìlọsu yise niyẹn. Amọ́, todin he Jesu to olọn mẹ, be mì yọ́n nuhe wà e te nado hùn aliho ogbẹ̀ madopodo tọn dote na mí ya?” [Jotẹnna gblọndo.] Do hosọ he tin to wepa godo tọn Atọ̀họ̀-Nuhihọ́ lọ Tọn juillet-septembre tọn ji hia whétọ lọ bo gbadopọnna nudọnamẹ he tin to kanbiọ awetọ lọ glọ lẹ po dopo to wefọ he yin dide lẹ mẹ po hẹ ẹ. Ze linlinnamẹwe lọ lẹ donukọnna ẹn bo basi tito nado lẹkọwa nado dọhodo hosọ devo ji.
Atọ̀họ̀-Nuhihọ́ lọ Tọn Juillet-Septembre
“Sinsẹ̀n susu nọ plọnmẹ dọ, eyin mẹde ma sèhó gando Jesu go kavi ma yí baptẹm bo kú, mẹlọ na yì zòmẹ. Be mì lẹndọ nuplọnmẹ enẹ sọgbe hẹ pọndohlan Jiwheyẹwhe tọn ya? [Jotẹnna gblọndo.] Biblu dohia dọ todido jiawu de tin na mẹhe ma sèhó gando Jesu go pọ́n bo ko kú lẹ. [Hia Owalọ lẹ 24:15.] Hosọ ehe basi zẹẹmẹ do todido he tin na tọgbo mítọn he ma sèhó gando Jesu go pọ́n lẹ ji.” Ze hosọ he bẹsọn weda 10tọ ji donukọnnamẹ.
Réveillez-vous! Septembre
“Azọ́nwatọ susu wẹ nọ mọdọ ogán lẹ nọ bẹ azọ́n susu do kọ̀ji na yé, podọ yé ma nọ yọ́n nuhe yé na wà taun nado gán sọn ninọmẹ enẹ mẹ. Doto lẹ dohia dọ azọ́nwiwa zẹjlẹgo sọgan hẹn nuhahun sinsinyẹn wá na azọ́nwatọ lẹ to agbasa-liho podọ to numọtolanmẹ-liho. Etẹwẹ mìwlẹ lẹndọ mẹde sọgan wà ehe na gọalọna ẹn nado nọ nọ̀ jlẹkaji to gbẹzan etọn mẹ? [Jotẹnna gblọndo.] Mì doayi wefọ titengbe ehe go. [Hia Yẹwhehodọtọ 4:6.] Linlinnamẹwe ehe do aliho dagbe ẹnẹ delẹ hia he mí sọgan yizan nado hẹn jlẹkajininọ go bo dapana azọ́nwiwa zẹjlẹgo.”