Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Juillet Tọn

“To egbehe, mẹsusu wẹ yiwanna Biblu hihia, ṣigba suhugan yetọn wẹ nọ lẹndọ e ma yọnbasi nado mọnukunnujẹ Biblu mẹ. Etẹwẹ mì lẹn? [Jotẹnna gblọndo.] Mì pọ́n nuhe linlinnamẹwe ehe dọ tofi.” Do hosọ he tin to wepa godo tọn Atọ̀họ̀-Nuhihọ́ lọ Tọn juillet-septembre tọn ji hia whétọ lọ bo gbadopọnna hukan tintan po dopo to wefọ he yin dide lẹ mẹ po hẹ ẹ. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna kanbiọ he bọdego.

Ayidonugo: Wadohia nuzedonukọnnamẹ ehe tọn dona yin bibasi to opli sinsẹ̀nzọn kunnudegbe tọn whenu to 6 juillet.

Atọ̀họ̀-Nuhihọ́ lọ Tọn Juillet-Septembre

“Mí to kọmẹnu mítọn lẹ dlapọn nado dọho hẹ yé gando nuhahun he gbayipe de go. Mẹsusu wẹ ko yin nuyiwa hẹ to aliho agọ̀ mẹ pọ́n na yè gbẹwanna akọ̀ yetọn wutu. Be mì lẹndọ wangbẹna akọ̀ tọn hán to fide ya? [Jotẹnna gblọndo.] Mì gbọ ma do nukun he Jiwheyẹwhe nọ yí do pọ́n gbẹtọ lẹpo hia mì. [Hia Owalọ lẹ 10:34.] Linlinnamẹwe ehe dọhodo lehe Jiwheyẹwhe na de nuvẹun sẹ̀ mlẹnmlẹn do ji.

Réveillez-vous! Juillet

“Mí to kọmẹnu mítọn lẹ dlapọn nado dọho hẹ yé gando nuhahun he nọ hẹn ayimajai wá de go—enẹ wẹ mawadodo. Mẹdelẹ nọ fọngu nado hoavùn sọta nuyiwa mawadodo tọn lẹ. Be mì lẹndọ gufinfọn yetọn nọ hẹn diọdo de wá ya? [Jotẹnna gblọndo.] Mì doayi nuhe Biblu dọ dọ e na hẹn diọdo nujọnu tọn wá aigba ji go. [Hia Matiu 6:9, 10.] Linlinnamẹwe ehe na gblọndo na kanbiọ lọ, Be gufinfọn wẹ na gbọ nuhahun lọ ya?”

Wẹndagbe de sọn Jiwheyẹwhe Dè!

“Mí to dlapọn basina whẹndo lẹ to lẹdo mìtọn mẹ nado má owẹ̀n tulinamẹ tọn de hẹ yé sọn Biblu mẹ. Susu mẹhe mí ko dọho hẹ lẹ tọn wẹ nọ kanse yede dọmọ: Naegbọn Jiwheyẹwhe owanyinọ de na na dotẹnmẹ yajiji to aihọn lọ mẹ sọmọ? Be mì lẹndọ yajiji yin apadewhe lẹndai dowhenu tọn Jiwheyẹwhe tọn na aigba wẹ ya?” Jotẹnna gblọndo. Enẹgodo, hùn alọnuwe lọ do nupinplọn 5tọ, podọ hia hukan awe tintan lọ lẹ gọna wefọ he yin kinkan po wekun flinflin po lẹ bo dọhodo yé ji. Ze alọnuwe lọ donukọnna whétọ lọ bo basi tito nado lẹkọwa nado dọhodo kanbiọ he bọdego ji.