Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Juillet Tọn

“To egbehe, danuwiwa po awhàn po gọ́ aihọn lọ mẹ podọ gbẹtọ lẹ to filẹpo wẹ to yaji. Amọ́, be mì yọ́n nuhe Jesu na wà to sọgodo taidi Ahọlu de ya?” Jotẹnna gblọndo. Enẹgodo, do hosọ he tin to wepa godo tọn Atọ̀họ̀-Nuhihọ́ lọ Tọn juillet-septembre tọn ji hia whétọ lọ bo gbadopọnna nudọnamẹ he tin to kanbiọ tintan lọ glọ lẹ po dopo to wefọ he yin dide lẹ mẹ po hẹ ẹ. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna kanbiọ he bọdego.

Atọ̀họ̀-Nuhihọ́ lọ Tọn Juillet-Septembre

“Mẹsusu wẹ nuhe sọgodo na yin nọ duahunmẹna. Etẹwẹ nọ yin numọtolanmẹ mìtọn eyin mì lẹnnupọndo sọgodo ji? Be ji nọ de mì ya kavi obu nọ di mì? [Jotẹnna gblọndo. Enẹgodo hia dopo to wefọ he yin dide do apotin lọ “Nuhe Jiwheyẹwhe Dehia Gando Sọgodo Go Lẹ” mẹ lẹ.] Linlinnamẹwe ehe slẹ delẹ to nuhe Jiwheyẹwhe dọ dọ e na wá jọ lẹ mẹ bosọ basi zẹẹmẹ nuhewutu mí sọgan deji dọ onú enẹlẹ na mọ hẹndi tọn.”

Réveillez-vous! Juillet

“To egbehe, diblayin mímẹpo wẹ nọ pehẹ nugbajẹmẹji wunmẹ de kavi devo, vlavo nugbajẹmẹji jọwamọ tọn, awutu sinsinyẹn, kavi okú mẹyiwanna de tọn. Be mì lẹndọ pọndohlan dagbe tintindo sọgan gọalọ to nujijọ mọnkọtọn lẹ whenu ya? [Jotẹnna gblọndo.] Mẹsusu wẹ ko mọdọ Biblu nọ gọalọnamẹ nado pehẹ nugbajẹmẹji lẹ. [Hia Lomunu lẹ 15:4.] Linlinnamẹwe ehe do lehe Biblu sọgan gọalọna mí to nugbajẹmẹji de whenu do hia.”