Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Août Tọn

“To egbehe, dile etlẹ yindọ mẹsusu nọ mọdọ e vẹawu nado mọnukunnujẹ Biblu mẹ, etẹwẹ mì lẹndọ e sọgan gọalọna mí na mọnukunnujẹ Biblu mẹ?” Jotẹnna gblọndo. Do hosọ he tin to wepa godo tọn Atọ̀họ̀-Nuhihọ́ lọ Tọn juillet-septembre tọn ji hia whétọ lọ bo gbadopọnna kanbiọ awetọ po dopo to wefọ he yin dide lẹ mẹ po hẹ ẹ. Ze linlinnamẹwe lọ lẹ donukọnna ẹn bo basi tito nado lẹkọwa nado dọhodo hosọ devo ji.

Ayidonugo: Wadohia nuzedonukọnnamẹ ehe tọn dona yin bibasi to opli sinsẹ̀nzọn kunnudegbe tọn whenu to 3 août.

Atọ̀họ̀-Nuhihọ́ lọ Tọn Juillet-Septembre

“Mí to kọmẹnu mítọn lẹ dlapọn nado dọho hẹ yé gando walọyizan ylankan he gbayipe de go. To egbehe, mẹsusu wẹ nọ yinuwa hẹ mẹdevo lẹ sọgbe hẹ akọ̀, otò kavi ninọmẹ mẹlọ lẹ tọn. Ṣigba, be aliho dopolọ mẹ wẹ Jiwheyẹwhe nọ yinuwa hẹ gbẹtọ lẹ te ya? [Jotẹnna gblọndo.] Biblu dohia dọ Jiwheyẹwhe ma nọ pọ́n awusọhia gbonu tọn nado yinuwa hẹ gbẹtọ lẹ. [Hia 1 Samuẹli 16:7.] Linlinnamẹwe ehe dọhodo nukun he Jiwheyẹwhe nọ yí do pọ́n gbẹtọ lẹpo ji.”

Réveillez-vous! Août

“Mímẹpo wẹ nọ jlo na nọgbẹ̀ dẹn dile e na yọnbasi do. Be mì lẹndọ nukọnyiyi lẹnunnuyọnẹn tọn sọgan hẹn yọnbasi na mí to gbèdopo nado nọgbẹ̀ kakadoi ya? [Jotẹnna gblọndo.] Doayi opagbe jiawu ehe go. [Hia 1 Kọlintinu lẹ 15:26.] Ṣigba, nawẹ Jiwheyẹwhe na hẹn opagbe ehe di gbọn? Be gbọn lẹnunnuyọnẹn kavi aliho devo lẹ dali wẹ ya? Podọ, naegbọn mí do nọ poyọnho bosọ nọ kú to egbehe? Linlinnamẹwe ehe do lehe Biblu na gblọndo kanbiọ ehelẹ tọn do hia.”