Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Février Tọn

“Suhugan gbẹtọ lẹ tọn wẹ nọ lẹndọ oyà he ji yé te ma nọ dọ nude na Jiwheyẹwhe. Mẹdelẹ tlẹ nọ lẹndọ Jiwheyẹwhe lọsu wẹ nọ hẹn yajiji lọ wá yé ji. Be nudopolọ wẹ mìlọsu nọ lẹn ya?” Jotẹnna gblọndo. Do hosọ he tin to wepa godo tọn Atọ̀họ̀-Nuhihọ́ lọ Tọn janvier-mars tọn ji hia whétọ lọ bo gbadopọnna kanbiọ awetọ po dopo to wefọ he yin dide lẹ mẹ po. Ze linlinnamẹwe lọ lẹ donukọnna ẹn bo basi tito nado lẹkọwa nado dọhodo hosọ devo ji.

Atọ̀họ̀-Nuhihọ́ lọ Tọn Janvier-Mars

“Mí to dlapọn kleun de basi na gbẹtọ lẹ nado dọho hẹ yé gando whẹho de he nọ hẹn ayimajai wá na mẹsusu go. To whenue mẹyiwanna mítọn de kú, mẹsusu nọ mọdọ e vọ̀ ján niyẹn! Be numọtolanmẹ he mìlọsu nọ tindo niyẹn ya? [Jotẹnna gblọndo.] Nuhe Biblu dọ gando okú go namẹ tuli taun. [Hia Job 14:14, 15.] Hosọ ehe do nuhe yin numọtolanmẹ Jiwheyẹwhe tọn gando mẹyiwanna mítọn he ko kú lẹ go hia.” Ze hosọ he bẹsọn weda 6tọ ji donukọnnamẹ.

Réveillez-vous! Février

“Mí to hodọ hẹ gbẹtọ lẹ gando nuhahun he gbayipe de go. E taidi dọ whenu ma nọ tin sọmọ nado wà nuhe mí jlo lẹpo. Be mì lẹndọ nuhe mí dona wà lẹ sù gbau, kavi dọ mí nọ hẹn whenu susu gú wutu wẹ mí ma do nọ mọ whenu ya? [Jotẹnna gblọndo.] Mẹsusu ma yọnẹn dọ Biblu na ayinamẹ dagbe gando lehe mí sọgan yí whenu mítọn zan do go. Apajlẹ de die. [Hia Filippinu lẹ 1:10a.] Linlinnamẹwe ehe donù ayinamẹ voovo ẹnẹ delẹ go, ehe ko gọalọna mẹsusu nado yí whenu yetọn zan po nuyọnẹn po.”