Nuzedonukọnnamẹ Lẹ

Fie Wẹ Mí Sọgan Mọ Gblọndo Na Kanbiọ Titengbe Gbẹ̀mẹ Tọn lẹ Te?

Dọnudo whétọ lọ bo dlẹn alọnuwe pẹvi lọ do e na e nido mọ hosọ lọ bo dọna ẹn dọ: “Mí to mahẹ tindo to nujijla de mẹ, ehe to yinyin bibasi lẹdo aihọn pé nado hẹn owẹ̀n titengbe ehe jẹ gbẹtọ lẹ dè. Mìtọn die.”

Eyin a jlo na ze alọnuwe pẹvi lọ dai na whétọ he ma to whégbè lẹ, nọ ze e do fie mẹdevo lẹ ma sọgan yawu mọ ẹn te, podọ ma nọ yẹ́n ẹn blo, adavo e biọ domọ.

Eyin whétọ lọ do ojlo hia kavi jlo dọ a ni dọho yinukọn hẹ emi, a sọgan kanse e dọ to gblọndo voovo he to kanbiọ lọ glọ lẹ mẹ, detẹ wẹ yin dagbe lọ. Hùn alọnuwe pẹvi lọ bo do nuhe Psalm 119:144, 160 dọ hia ẹ. Dohia ẹ dọ alọnuwe pẹvi lọ dọhodo nọtẹn Intẹnẹt tọn de ji he sọgan gọalọna ẹn nado mọ gblọndo nujọnu tọn lẹ to Biblu mẹ. A sọgan do apajlẹ enẹ tọn hia ẹ gbọn video lọ “Naegbọn Mí Dona Plọn Biblu?” hihò na ẹn dali. Whẹpo a nido yì, hia kanbiọ atọ̀n he to wepa godo tọn lọ ji lẹ na ẹn bo kanse e dọ detẹ wẹ nọ duahunmẹna ẹn hugan. Basi tito hẹ ẹ nado lẹkọwa bo do lehe e sọgan yí jw.org zan nado mọ gblọndo na kanbiọ lọ do hia ẹ. To whenue a lẹkọyi, pọ́n LA BIBLE ET VOUS > QUESTIONS BIBLIQUES glọ nado dọhodopọ hẹ ẹ do gblọndo lọ ji.

Eyin mì sọ to oylọ-basinamẹwe lẹ má na plidopọ daho mìtọn, a sọgan ze alọnuwe pẹvi lọ na whétọ lọ bo yí oylọ-basinamẹwe lọ dogọ, bo dọna ẹn dọmọ, “Mí sọ to oylọ-basina mì nado wá nuwiwa daho de. Akuẹ de ma nọ yin bibiọ to nuwiwa lọ tẹnmẹ.”

Atọ̀họ̀-Nuhihọ́ lọ Tọn Juillet-Septembre

To sẹfifo lẹ, eyin ninọmẹ lọ biọ dọ mì ni ze Atọ̀họ̀-Nuhihọ́ lọ Tọn donukọnna whétọ de, mì sọgan dọmọ: “Mí sọ jlo na ze linlinnamẹwe mítọn agọe tọn ehelẹ na mì. Hosọ he bẹsọn weda 10tọ to Atọ̀họ̀-Nuhihọ́ lọ Tọn ehe mẹ, na gblọndo na kanbiọ ehe, Be zòmẹ wẹ tọgbo mítọn lẹ te ya?”

Réveillez-vous! Août

To sẹfifo lẹ, eyin ninọmẹ lọ biọ dọ mì ni ze Réveillez-vous! donukọnna whétọ de, mì sọgan dọmọ: “Mí sọ jlo na ze linlinnamẹwe mítọn agọe tọn ehelẹ na mì. Réveillez-vous! ehe na gblọndo na kanbiọ ehe, Nawẹ mí sọgan didẹ gbemanọpọ lẹ do?”