Nuzedonukọnnamẹ Lẹ

Na Nujijla Oylọ-Basinamẹ Oflin Tọn

“Mí to oylọ-basinamẹwe ehe yí na mì nado wá nujijọ vonọtaun de tẹnmẹ. To 3 avril, gbẹtọ livi susu lẹ na pli lẹdo aihọn pé nado basi hùnwhẹ Oflin okú Jesu Klisti tọn, bo nasọ sèhó vọnu gando ale he okú etọn hẹnwa na mí lẹ go. Oylọ-basinamẹwe ehe do gànmẹ po fie mí na pli te to lẹdo mítọn mẹ po hia.”

Atọ̀họ̀-Nuhihọ́ lọ Tọn Janvier-Mars

“To egbehe, mẹsusu nọ hodẹ̀ hlan Jesu tlọlọ. Ṣigba, be mì lẹndọ e sọgbe dọ mí ni nọ hodẹ̀ hlan Jesu ya? [Jotẹnna gblọndo.] Mì pọ́n nuhe Jesu lọsu dọna devi etọn lẹ. [Hia Luku 11:1, 2.] Linlinwe ehe do mẹhe Jesu plọn devi etọn lẹ nado nọ hodẹ̀ hlan hia.” Hùn linlinnamẹwe lọ do weda 14tọ bo do hosọ lọ hia whétọ lọ.

Réveillez-vous! Mars

“Mí to dlapọn kleun de basi na kọmẹnu mítọn lẹ nado do Réveillez-vous! osun ehe mẹ tọn hia yé. [Do wepa lọ hia.] Mẹlẹpo wẹ tindo pọndohlan voovo gando kanbiọ tintan ehe go: ‘Be Jiwheyẹwhe de tin ya?’ Mẹnu wẹ mì lẹndọ e tindo pọndohlan dagbe hugan gando sọgodo go, mẹhe yise dọ Jiwheyẹwhe tin lẹ wẹ ya kavi mẹhe ma yise lẹ? [Jotẹnna gblọndo.] Opagbe he Jiwheyẹwhe do de die, ehe nọ na todido mẹsusu. [Hia Psalm 37:10, 11.] Linlinwe ehe dọhodo whẹwhinwhẹ́n voovo ẹnẹ delẹ ji he wutu mí dona dindona eyin Jiwheyẹwhe tin.”