Nuzedonukọnnamẹ Lẹ

Atọ̀họ̀-Nuhihọ́ lọ Tọn Avril-Juin

“Mí to kọmẹnu mítọn lẹ dlapọn nado dọhodopọ hẹ yé do whẹho titengbe de ji. Mẹsusu wẹ e nọ vẹawuna nado mọ gblọndo na kanbiọ titengbe gbẹ̀mẹ tọn lẹ taidi: ‘Etẹwutu mí to gbẹ̀mẹ? Naegbọn gbẹtọ lẹ nọ jiya bo nọ kú? Be Jiwheyẹwhe nọ hò ṣie pọ́n ya?’ Ṣigba, fie wẹ mì lẹndọ mí sọgan mọ gblọndo na kanbiọ enẹlẹ te. [Jotẹnna gblọndo.] Mì doayi nuhe Jesu dọ to Matiu 5:3 mẹ go. [Hia.] Linlinnamẹwe ehe do lehe Biblu pinplọn sọgan gọalọna mí nado mọ gblọndo homẹmiọnnamẹ tọn lẹ na kanbiọ gbẹ̀mẹ tọn lẹ do hia.”

Réveillez-vous! Juin

“Kọmẹnu mítọn susu lẹ wẹ to ahidi hẹ azọ̀n. Enẹwutu, mí to wefọ Biblu tọn he miọnhomẹnamẹ de hia na gbẹtọ lẹ. [Hia Isaia 33:24a.] Eyin mí masọ jẹazọ̀n gbede ba, nawẹ mì lẹndọ gbẹzan mítọn na te? [Jotẹnna gblọndo.] Ṣigba todin whẹ́, onú titengbe atọ́n delẹ tin he mí sọgan wà nado hẹn agbasalilo mítọn pọnte. Linlinnamẹwe ehe basi zẹẹmẹ do onú atọ́n lọ lẹ ji.”