“Ohó Ehelẹ . . . Na Tin to Ayiha Towe Ji”

Mẹjitọ lẹ taidi lẹngbọhọtọ lẹ. Yé dona penukundo ovi yetọn lẹ go ganji, na yé sọgan danbú po awubibọ po bo biọ owù mẹ. (Howh. 27:23) Nawẹ mẹjitọ lẹ sọgan hẹn azọngban ehe di gbọn? Yé dona nọ zan whenu nado dọho hẹ ovi yetọn lẹ egbesọegbesọ nado sọgan yọ́n nuhe to ayiha po ahun yetọn po mẹ. (Howh. 20:5) Humọ, mẹjitọ lẹ sọgan gbá po azọ́nwanu he miyọ́n ma sọgan dù lẹ po, na yise ovi lọ lẹ tọn nido lodo. (1 Kọl. 3:10-15) Video lọ “Ces Paroles . . . Devront Être sur Ton Coeur” (Ohó Ehelẹ . . . Na Tin to Ayiha Towe Ji) zinnudo nujọnu-yinyin sinsẹ̀n-bibasi whẹndo tọn gbesisọ tọn ji. Mì pọ́n video lọ dopọ taidi whẹndo de, podọ to enẹgodo mì dọhodo kanbiọ he bọdego ehelẹ ji.

(1) Etẹwẹ zọ́n bọ whẹndo Mẹmẹsunnu Thomas Roman tọn wá gboawupo nado na ayidonugo gbigbọnu lẹ? (2) Naegbọn vivẹnu he Mẹmẹsunnu Roman do to tintan whenu gando sinsẹ̀n-bibasi whẹndo tọn go ma do tindo kọdetọn dagbe? (3) Ayinamẹ Owe-wiwe tọn tẹwẹ nọ hẹn kọdetọn dagbe wá to ovi lẹ pinplọn whẹ́n mẹ? (Deut. 6:6, 7) (4) Etẹwẹ sọgan yidogọna hodọdopọ nujọnu tọn to whẹndo mẹ? (5) Avọ́sinsan wunmẹ tẹlẹ wẹ ovi lẹ tindo nuhudo etọn sọn mẹjitọ yetọn lẹ dè? (6) Nawẹ Mẹmẹsunnu Martin po asi etọn po tindo nuyiwadomẹji dagbe do whẹndo Roman tọn ji gbọn? (Howh. 27:17) (7) Na sinsẹ̀n-bibasi whẹndo tọn nido tindo kọdetọn dagbe, etẹwẹ tatọ́ whẹndo tọn de dona nọ wà jẹnukọn? (8) Etẹwẹ Mẹmẹsunnu Roman wà nado jla ninọmẹ lẹ do to whẹndo etọn mẹ? (9) Naegbọn e do yin nujọnu dọ sinsẹ̀n-bibasi whẹndo tọn ni nọ yin bibasi to gbesisọ mẹ? (Efe. 6:4) (10) Ayinamẹ dagbe tẹlẹ wẹ sọgan yin yiyizan na sinsẹ̀n-bibasi whẹndo tọn? (11) To whenue Mẹmẹsunnu Roman to alọgọna Mathias nado mọ nujọnu-yinyin nuhe sọgbe wiwà tọn, nawẹ ewọ wà dẹẹdẹ bosọ yin nujikudonọ to ojlẹ dopolọ mẹ gbọn? (Jel. 17:9) (12) Nawẹ Mẹmẹsunnu po Mẹmẹyọnnu Roman po yihojlẹdohogo hẹ Rebecca bo gọalọna ẹn nado basi nudide he sọgbe gando haṣinṣan etọn po Justin po go gbọn? (Malku 12:30; 2 Tim. 2:22) (13) Nawẹ Mẹmẹsunnu po Mẹmẹyọnnu Roman po do yise hia to whenue yé to tito yetọn lẹ vọjlado gbọn? (Mat. 6:33) (14) Nawẹ video ehe dohia hezeheze dọ nujọnu wẹ e yin na tatọ́ whẹndo tọn lẹ nado wleawudaina whẹndo yetọn to gbigbọ-liho gbọn? (1 Tim. 5:8) (15) Taidi tatọ́ whẹndo tọn de, etẹwẹ yin gbemima towe?

AYIDONUGO NA TATỌ́ WHẸNDO TỌN LẸ: Nupinpọn-do-plọnnu ehe yin didohia to plidopọ daho 2011 tọn ji. To ojlẹ enẹ mẹ, be a doayi e go dọ adà delẹ biọ vọjlado to sinsẹ̀n-bibasi whẹndo tọn towe mẹ ya? Todin, be a mọdọ vọjlado devo lẹ gbẹ́ pò ya? Eyin mọ wẹ, mí vẹ̀ we dọ a ni ze whẹho lọ do odẹ̀ mẹ bo basi vọjlado lẹ na ale madopodo whẹndo towe tọn.—Efe. 5:15-17.