Awuwiwle He E Nọ Biọ Nado Plọnnumẹ Ganji

E whè gbau to ninọmẹ awe mẹ, omẹ voovo awe kàn kanbiọ dopolọ sè Jesu gando ogbẹ̀ madopodo go. Ṣigba to ninọmẹ dopodopo mẹ, e na gblọndo sọgbe hẹ nuhudo mẹhe kanhose e lọ tọn. (Luku 10:25-28; 18:18-20) Po enẹ po to ayiha mẹ, mahopọnna dọ mí yọ́n nuhe owe nupinplọn tọn de bẹhẹn, mí dona gbẹ́ wleawuna owe lọ sọgbe hẹ nuhudo nuplọntọ lọ tọn. Nuagokun tẹlẹ mẹ wẹ e sọgan vẹawuna ẹn nado mọnukunnujẹ kavi nado kẹalọyi? To wefọ he yin sislẹ lẹ mẹ, detẹ lẹ wẹ mí na hia po e po? Hukan nẹmu wẹ mí na gbadopọnna? E sọgan biọ dọ mí ni wleawuna apajlẹ de, zẹẹmẹ de, kavi kanbiọ debọdo-dego delẹ he na gọalọna nuplọntọ lọ nado mọnukunnujẹ nudọnamẹ lọ mẹ. Humọ, na Jehovah wẹ nọ hẹn okún nugbo lọ tọn whẹ́n wutu, mí dona biọ dona etọn do awuwiwle mítọn ji, do nuplọntọ lọ ji, podọ do vivẹnudido mítọn nado gọalọna ẹn to gbigbọ-liho ji.—1 Kọl. 3:6; Jak. 1:5.