Lehe Yè Nọ Na Gblọndo Dagbe lẹ Do

Gblọndo dagbe lẹ nọ jlọ agun lọ dote. (Lo 14:19) Yé sọ nọ hẹn ale wá na mẹhe na gblọndo lọ lẹ. (Hwh 15:23, 28) Enẹwutu, mí dona nọ dovivẹnu nado na e whè gbau gblọndo dopo to opli lẹ ji. Na nugbo tọn, yè sọgan nọma yí alọ mítọn to whelẹponu. Enẹwutu, e na yọ́n hugan nado nọ wleawuna gblọndo susu.

Gblọndo dagbe de . . .

• nọ bọawu, họnwun bo nọ nọ̀ glido. To paa mẹ, e gán yí nukunwhiwhe 30 (30 secondes) kavi whè humọ

• nọ yin nina do hogbe mẹtọn titi mẹ

• ma nọ yin dọvọdọ he ma yin dandan tọn gblọndo he jẹnukọn tọn

Eyin alọ towe wẹ yè yí jẹnukọn, . . .

• na gblọndo kanbiọ lọ tọn tlọlọ to aliho he bọawu mẹ

Eyin yè ko na gblọndo kanbiọ lọ tọn, a sọgan . . .

• basi yọ́n-na-yizan wefọ lẹ tọn

• do lehe whẹho lọ gando gbẹzan mítọn go do hia

• basi zẹẹmẹ lehe nudọnamẹ lọ sọgan yin yiyizan do tọn

• dọ numimọ kleun de he hẹn nuagokun lọ họnwun