Be A to Kalti JW.ORG Tọn lẹ Yizan Ganji Ya?

Na nukunbibia daho he to sisẹpọ lọ wutu, azọ́n niyaniya tọn wẹ azọ́n yẹwhehodidọ tọn mítọn yin. (Hwh 24:11, 12, 20) Nado gọalọna gbẹtọ lẹ, mí sọgan yí kalti oylọ-basinamẹ tọn lẹ zan nado dọ̀n ayidonugo yetọn wá Ohó Jiwheyẹwhe tọn po nọtẹn Intẹnẹt tọn mítọn po ji. Ohia de to kalti lọ ji he nọ planmẹ yì video lọ Naegbọn Mí Dona Plọn Biblu? ji gọna oylọ-basinamẹ de nado biọ nudọnamẹ dogọ kavi plọn Biblu. Mẹdelẹ ma nọ jlo na kẹalọyi owe mítọn lẹ, ṣigba yé nọ jlo na yì nọtẹn Intẹnẹt tọn mítọn ji. Ma nọ whleawu nado ze kalti lọ na yé blo. Ṣigba, ma ze kalti lọ dai na mẹhe ma do ojlo hia lẹ blo.

To nuwiwa egbesọ tọn towe lẹ mẹ, a sọgan fọ́n ojlo mẹde tọn dote gbọn didọ dali poun dọ: “N’do nude bo jlo na na we. Kalti ehe nọ deananamẹ yì nọtẹn Intẹnẹt tọn de ji he bẹ nudọnamẹ po video he dọhodo hosọ voovo ji po lẹ hẹn.” (Joh 4:7) Na kalti lọ lẹ whè wutu, a sọgan nọ hẹn pẹẹde to whelẹponu nado má na gbẹtọ lẹ to dotẹnmẹ hundote lẹpo whenu.