Etẹwẹ Yin Linlẹn Jehovah Tọn?

Whẹpo do basi nudide depope, vlavo pẹvi kavi daho, mí dona nọ kanse míde dọ, ‘Etẹwẹ yin linlẹn Jehovah tọn?’ Nugbo wẹ dọ mí ma gán yọ́n nuhe yin linlẹn Jehovah tọn lẹpo, amọ́ nuhe e dehia to Ohó etọn mẹ lẹ ko pé nado hẹn mí pegan “na azọ́n dagbe lẹpo.” (2Ti 3:16, 17; Lo 11:33, 34) Jesu yọ́n ojlo Jehovah tọn ganji bosọ ze ojlo enẹ wiwà do otẹn tintan mẹ to gbẹzan etọn mẹ. (Joh 4:34) Mì gbọ mí ni nọ hodo apajlẹ Jesu tọn bo nọ wà nuhe go mí pé lẹpo nado basi nudide lẹ he na hẹn homẹhun Jehovah.—Joh 8:28, 29; Efe 5:15-17.

PỌ́N VIDEO LỌ NỌ TO AYIDO NUHE OJLO JEHOVAH TỌN YIN GO ZỌNMII (LE 19:18), ENẸGODO NA GBLỌNDO NA KANBIỌ HE BỌDEGO LẸ:

• Naegbọn mí dona nọ yí nunọwhinnusẹ́n Biblu tọn lẹ zan to gbẹzan mítọn mẹ?

• Nunọwhinnusẹ́n Biblu tọn tẹlẹ ji wẹ mí dona nọ lẹnnupọndo whẹpo do de ohàn he mí na sè lẹ?

• Nunọwhinnusẹ́n Biblu tọn tẹlẹ wẹ na gọalọna mí nado nọ de aṣọ́dido po nusisọ́ mítọn po ganji?

• Adà devo tẹlẹ mẹ wẹ mí dona nọ yinuwa sọgbe hẹ nunọwhinnusẹ́n Biblu tọn lẹ te?

• Nawẹ mí sọgan hẹn nugopipe mítọn nado mọnukunnujẹ ojlo Jehovah tọn mẹ pọnte gbọn?