Jehovah Yiwanna Mẹhe Wé Lẹ

“Nọ klọ́ alọ. Nọ klọ́ panu lẹ. Nọ zàyí. Nọ bẹ ogbó lẹ dlan.” Mẹjitọ susu nọ plọn ovi yetọn lẹ nado nọ nọ̀ wiweji. Amọ́, Jiwheyẹwhe he yin omẹ wiwe lọ wẹ biọ dọ mí ni nọ nọ̀ wiweji. (Eks 30:18-20; De 23:14; 2Kọ 7:1) To whenue mí hẹn agbasa po nutindo mítọn lẹ po do wiweji, e nọ pagigona Jehovah. (1Pi 1:14-16) Etẹwẹ dogbọn owhé po lẹdo mítọn lẹ po hinhẹn do wiweji dali? To vogbingbọn mẹ na mẹhe nọ ze ogbó lẹ dlan aliji kavi fidepope poun lẹ, Klistiani lẹ nọ hẹn lẹdo yetọn do wiweji. (Slm 115:16; Osọ 11:18) Etlẹ yin onú flinflin lẹ taidi bọnbọn-wema, sinklọ́n he mẹ mí họ̀nú do lẹ kavi ṣingọmu lẹ zizedlan kọmẹ nọ dohia dọ mí ma nọ nọ̀ wiweji. Mí dona “nọ do mídelẹ hia taidi lizọnyizọnwatọ Jiwheyẹwhe tọn lẹ” to adà gbẹzan tọn mítọn lẹpo mẹ.—2Kọ 6:3, 4.

PỌ́N VIDEO LỌ JIWHEYẸWHE YIWANNA MẸHE WÉ LẸ, ENẸGODO NA GBLỌNDO NA KANBIỌ HE BỌDEGO LẸ:

• Whẹjijọ tẹlẹ wẹ mẹdelẹ nọ dín ma nado hẹn nutindo yetọn lẹ do wiweji?

• Nawẹ Osẹ́n Mose tọn do pọndohlan Jehovah tọn hia gando wiwejininọ go gbọn?

• Nawẹ mí gán hẹn pipà wá na Jehovah matin hodidọ gbọn?