Be A Yiwanna Ohó Jiwheyẹwhe Tọn Ya?

Biblu bẹ linlẹn gọna nuhe Jehovah Jiwheyẹwhe, yèdọ Dowatọ owe wiwe ehe tọn dọ lẹ hẹn. (2Pi 1:20, 21) Biblu zinnudeji dọ Jiwheyẹwhe na suwhẹna nupojipetọ-yinyin etọn gbọn Ahọluduta etọn gblamẹ nado na todido gbẹtọvi lẹ gando sọgodo go. Biblu sọ de jẹhẹnu dagbedagbe Otọ́ olọn mẹ tọn mítọn, Jehovah tọn lẹ hia.—Slm 86:15.

Whẹwhinwhẹ́n he wutu dopodopo mítọn do yiwanna Ohó Jehovah tọn lẹ gbọnvo. Amọ́, be mí nọ dohia dọ mí yiwanna nunina họakuẹ ehe nugbo bo nọ hia ẹ egbesọegbesọ bosọ nọ yí i do yizan mẹ ya? Mì gbọ nuyiwa mítọn lẹ ni dohia dọ mí kọngbedopọ hẹ salmu-kantọ lọ he dọmọ: “Lehe n’yiwanna osẹ́n towe do sọ!”—Slm 119:97.

PỌ́N VIDEO LỌ YÉ YỌ́N PINPẸN BIBLU TỌN—ADÀ KLEUN DE (WILLIAM TYNDALE), ENẸGODO NA GBLỌNDO NA KANBIỌ HE BỌDEGO LẸ:

• 

  Naegbọn William Tyndale do lilẹ́ adà Biblu tọn delẹ do ogbè devo mẹ?

• Naegbọn vivẹnudido etọn nado lilẹ́ Biblu do ogbè devo mẹ do jẹna pipà?

• Ayiha tẹwẹ yin kinkan nado bẹ vọkan Biblu Tyndale tọn lẹ biọ Angleterre?

• Nawẹ dopodopo mítọn gán dohia dọ mí yiwanna Ohó Jiwheyẹwhe tọn gbọn?