Aigba “Nù Tọ̀sisa” Lọ

To ojlẹ delẹ mẹ to whenuho gbẹtọvi tọn mẹ, aṣẹpatọ lẹ ko gọalọna omẹ Jehovah tọn lẹ. (Ẹzl 6:1-12; Ẹst 8:10-13) Etlẹ yin to egbezangbe, mí ko mọ bọ “aigba”—yèdọ omẹ kavi pipli huhlọnnọ aihọn lọ tọn delẹ he yin lẹnpọn dagbenọ—nù “tọ̀sisa” homẹkẹn tọn he “dlagọni lọ,” enẹ wẹ Satani Lẹgba nọ fọndote. (Osọ 12:16) To whedelẹnu, Jehovah, “Jiwheyẹwhe he nọ whlẹnmẹ,” sọgan whàn gandutọ lẹ nado hẹn kọgbọ wá na omẹ etọn lẹ.—Slm 68:20; Hwh 21:1.

Bọ etẹwẹ lo, eyin a yin wiwle sú na yise towe wutu? Deji dọ Jehovah mọ ninọmẹ towe. (Jen 39:21-23; Slm 105:17-20) A sọgan kudeji dọ yise towe na yin ahọsuna podọ tenọgligo hinhẹn towe nọ na tuli mẹmẹsunnu towe lẹ lẹdo aihọn pé.—Flp 1:12-14; Osọ 2:10.

PỌ́N VIDEO LỌ MẸMẸSUNNU CORÉE TỌN LẸ YIN TUNTUNDOTE SỌN GÀNPAMẸ, ENẸGODO NA GBLỌNDO NA KANBIỌ HE BỌDEGO LẸ:

• Naegbọn mẹmẹsunnu mítọn fọtọ́n susu do yin wiwle sú to Corée du Sud to owhe lẹ gblamẹ?

• Whẹdidọ voovo tẹlẹ wẹ zọ́n bọ yè do yawu tún delẹ to mẹmẹsunnu mítọn lẹ mẹ dote?

• Nawẹ mí sọgan gọalọna mẹmẹsunnu mítọn he tin to gànmẹ to alọnu din na yise yetọn wutu lẹdo aihọn pé lẹ gbọn?

• Nawẹ mí sọgan yí mẹdekannujẹ he mí tindo to alọnu din zan gbọn?

• Mẹnu wẹ mí dona nọ dopẹna na owhẹ̀ depope he ji mí dù te?