“Gbẹtọ He Tin to Aigba ji Lẹpo Nọ Do Ogbè Dopolọ”

11:1-4, 6-9

Jehovah vúnvún gbẹtọvi tolivẹtọ lẹ pé gbọn aigba ji to whenue e wlu ogbè yetọn to Babẹli. Amọ́ to egbehe, ewọ to gbẹtọ susugege de bẹpli sọn akọta po ogbè lẹpo po mẹ bo na yé “ogbè wiwe-ṣeke de,” na yé nido “sọgan nọ dawhá ylọ oyín Jehovah tọn, nado nọ sẹ̀n ẹn abọ́ to abọ́ go.” (Zef 3:9; Osọ 7:9) “Ogbè wiwe-ṣeke” ehe nọtena nugbo he to Owe-wiwe lẹ mẹ gando Jehovah po lẹndai etọn po go.

Ogbè yọyọ de pinplọn nọ bẹ nususu hẹn hugan hogbe yọyọ lẹ pinplọn do tamẹ poun. E nọ biọ aliho nulẹnpọn tọn devo pinplọn. Mọdopolọ, dile mí to ogbè wiwe-ṣeke nugbo lọ tọn plọn, mí nọ diọ ayiha mítọn. (Lo 12:2) Nuyiwa ehe ma nọ doalọte bo nọ zọ́n bọ pọninọ nọ tin to omẹ Jiwheyẹwhe tọn lẹ ṣẹnṣẹn.—1Kọ 1:10.