Etẹwẹ A Gán Plọn sọn Ohàn lẹ Mẹ?

Ohàn tẹlẹ wẹ a yiwanna hugan to ohàn sunmẹsunmẹ tọn Televiziọn JW tọn lẹ mẹ? Etẹwutu? Be na video lọ lẹ nọ sọgbe hẹ ninọmẹ egbesọegbesọ tọn lẹ wutu wẹ ya? Hosọ po nuhiho lọ lẹ po sù bo to wunmẹ voovo ji sọmọ bọ yè nọ mọ ode bọ e nọ jẹeji namẹ. Amọ́, ohàn lọ lẹ po video ohàn tọn lọ lẹ po ma tin na ayidedai poun.

Ohàn lọ lẹ dopodopo nọ plọn mí onú tangan delẹ to gbẹzan Klistiani tọn mítọn po lizọnyizọn mítọn po mẹ. Delẹ to ohàn lọ lẹ mẹ nọ dọhodo pọninọ, họntọnjiji, adọgbigbo, owanyi kavi yise ji. Devo lẹ nọ dọhodo kọlilẹwa Jehovah dè, jonamẹ, tenọgligo hinhẹn egbesọegbesọ gọna afọdidona yanwle gbigbọmẹ tọn lẹ ji. Dopo to ohàn lọ lẹ mẹ tlẹ gando nuyọnẹn yíyí do zan alokan go. Nuplọnmẹ yọ́n-na-yizan devo tẹlẹ wẹ a ko mọ to ohàn lọ lẹ mẹ?

PỌ́N VIDEO OHÀN TỌN LỌ E TO YAKẸ, ENẸGODO NA GBLỌNDO NA KANBIỌ HE BỌDEGO LẸ:

• Dona sọgodo tọn tẹ ji wẹ asu po asi po mẹhomẹ lọ ze ayiha do?—Jen 12:3

• Nawẹ mí nọ hẹn yise mítọn lodo gando nugopipe Jehovah tọn nado hẹn opà etọn lẹ di go gbọn?

• Kọndopọ ayajẹ tọn tẹlẹ wẹ na wá aimẹ to madẹnmẹ?

• Nawẹ todido mítọn to Ahọluduta lọ mẹ nọ gọalọna mí nado doakọnnanu todin gbọn?—Lo 8:25