Mẹnu lẹ Wẹ N’Na Ylọ?

To whemẹwhemẹ, mí nọ dovivẹnu nado basi oylọna mẹhe to aigba-denamẹ mítọn ji lẹ nado wá kọnawudopọ hẹ mí to hùnwhẹ Oflin tọn whenu. Suhugan yetọn wẹ nọ yin jonọ. Etomọṣo, mí dona basi oylọna mẹhe mí yọnẹn lẹ ga. Todido tin dọ mẹhe mọ oylọ-basinamẹwe yí sọn mẹyinyọnẹn de si lẹ ni wá. (yb08-F 11 huk. 3; 14 huk. 1) Mẹnu lẹ wẹ a gán ylọ?

• Hẹnnumẹ lẹ

• Azọ́nwatọgbẹ́ kavi wehọmẹvigbẹ́ lẹ

• Mẹhe to okọ́ towe mẹ lẹ

• Gọyìpọn, plọnmẹ Biblu dai tọn po dintọn lẹ po

Humọ, mẹho lẹ na basi oylọna mẹhe gbọjọ lẹ. Bọ eyin mẹyinyọnẹn de ma to okọ́ towe mẹ lo? A gán mọ gànmẹ po fihe Oflin lọ na yin bibasi te to lẹdo etọn mẹ po to jw.org ji eyin a zín YỌ́N MÍ DOGỌ, enẹgodo “Oflin.” Dile a to awuwlena hùnwhẹ owhe ehe tọn, lẹnnupọndo mẹhe a gán ylọ lẹ ji bo hẹn oylọ-basinamẹwe yetọn yì na yé.