Hẹn Lizọnyizọn Towe Pọnte Dogọ​—Kunnudidena Nukuntọ́nnọ Lẹ

NUHEWUTU E DO YIN NUJỌNU: To paa mẹ, nukuntọ́nnọ lẹ nọ whleawu nado dọho hẹ jonọ lẹ. Enẹwutu, e nọ biọ azọ́nyinyọnẹn nado dekunnuna omẹ mọnkọtọn lẹ. Onú nukuntọ́nnọ lẹ tọn nọ duahunmẹna Jehovah sisosiso. (Le 19:14) Mí gán hodo apajlẹ etọn bo wleawufo nado nọ gọalọna yé to gbigbọ-liho.

LEHE MÍ SỌGAN WÀMỌ DO:

• “Dín” nukuntọ́nnọ lẹ mọ. (Mt 10:11) Be a yọ́n mẹde he hagbẹ whẹndo tọn etọn de yin nukuntọ́nnọ ya? Be wehọmẹ, owhé nukunpedomẹgo tọn kavi nọtẹn mọnkọ devo lẹ tin na nukuntọ́nnọ lẹ to aigba-denamẹ mìtọn ji bọ yé gán kẹalọyi owe he nọ yin awuwlena na nukuntọ́nnọ lẹ wẹ ya?

• Do ojlo nujọnu tọn hia to yé mẹ. Họntọnjihẹmẹ ahundopo tọn po mẹtọnhopọn nujọnu tọn he a na dohia po gán hẹn nukuntọ́nnọ lẹ voawu. Tẹnpọn nado bẹ hodọdopọ de jẹeji hẹ yé do hosọ he nọ duahunmẹna mẹsusu to lẹdo lọ mẹ ji.

• Gọalọna yé to gbigbọ-liho. Titobasinanu lọ ko wleawuna owe wunmẹ voovo lẹ nado gọalọna nukuntọ́nnọ lẹ. Eyin a mọ omẹ mọnkọ de, kanse e dọ wunmẹ tẹwẹ na yọ́n na ẹn hugan. Nugopọntọ sinsẹ̀nzọn tọn dona hẹn ẹn diun dọ mẹhe nọ penukundo owe lẹ go zọ́n owe lẹ sọgbe hẹ wunmẹ he nukuntọ́nnọ de yiwanna hugan.