Sinsẹ̀nzọn Gbehosọnalitọ Tọn—Aliho de Nado Pà Jehovah

Whẹwhinwhẹ́n susu wẹ Islaelivi lẹ tindo nado pà Jehovah. Ewọ wẹ de yé sọn Egipti bosọ whlẹn yé sọn awhànpa Falo tọn si. (Eks 15:1, 2) Jehovah gbẹ́ nọ wà dagbe na omẹ etọn lẹ. Nawẹ mí gán dohia dọ mí yọ́n pinpẹn dagbe he e nọ wà na mí tọn gbọn?—Slm 116:12.

Aliho dopo wẹ nado yin gbehosọnalitọ alọgọtọ tọn kavi whepoponu tọn. A gán hodẹ̀ dọ Jiwheyẹwhe ni fọnjlodotena we bo na we huhlọn nado yin gbehosọnalitọ. (Flp 2:13) Mẹsusu wẹ nọ bẹjẹeji po gbehosọnalitọ alọgọtọ tọn po. To osun mars po avril po tọn mẹ kavi to osun he mẹ nugopọntọ lẹdo tọn na dla agun mìtọn pọ́n te lẹ, a gán yin gbehosọnalitọ alọgọtọ tọn po yanwle gànmẹ 30 kavi 50 tọn po. Ayajẹ he a tindo taidi gbehosọnalitọ alọgọtọ tọn gán whàn we nado lẹzun gbehosọnalitọ whepoponu tọn. To whedelẹnu, mẹhe nọ wà agbasazọ́n whenu-gigọ́ tọn po mẹhe do nuhahun agbasalilo tọn lẹ po tlẹ nọ penugo nado yin gbehosọnalitọ whepoponu tọn. (mwb16.07 8) Na nugbo tọn, Jehovah jẹna pipà.—1Ot 16:25.

PỌ́N VIDEO LỌ NỌVIYỌNNU ATỌ̀N TO MONGOLIE, ENẸGODO NA GBLỌNDO NA KANBIỌ HE BỌDEGO LẸ:

• Nuhahun tẹlẹ ji wẹ nọviyọnnu atọ̀n lọ lẹ dù te nado lẹzun gbehosọnalitọ?

• 

  Dona tẹlẹ wẹ yé mọyi?

• 

  Dotẹnmẹ sinsẹ̀nzọn tọn tẹlẹ wẹ hundote na yé to whenue yé lẹzun gbehosọnalitọ whepoponu tọn?

• 

  Nawẹ apajlẹ yetọn whàn mẹdevo lẹ gbọn?