Nunina de Hlan Jehovah

30:11-16

To whenue gòhọtúntún lọ yin gbigbá, dotẹnmẹ lọ hundote na mẹlẹ nado basi nunina akuẹ tọn nado nọgodona sinsẹ̀n-bibasi Jehovah tọn, vlavo yé yin wamọnọ kavi adọkunnọ. To egbehe, nawẹ mí gán basi nunina hlan Jehovah gbọn? Aliho dopo wẹ nado basi nunina akuẹ tọn nado penukundo Plitẹnhọ Ahọluduta tọn lẹ, Plitẹnhọ Plidopọ tọn lẹ, azọ́nwatẹn lẹdogbedevomẹ tọn he ma to Bẹtẹli lẹ, owhé Bẹtẹli tọn lẹ, gọna ohọ̀ devo he yin kinklandowiwe nado basi sinsẹ̀n hlan Jehovah lẹ.

Etẹwẹ wefọ ehelẹ plọn mí gando nunina akuẹ tọn bibasi nado nọgodona sinsẹ̀n-bibasi nugbo go?

• 1Ot 29:5

• Mk 12:43, 44

• 1Kọ 16:2