Nọ Do Owanyi Hia to Whẹndo Mẹ

Owanyi wẹ gẹdẹ he nọ kọ̀n hagbẹ whẹndo tọn lẹ dopọ. Eyin owanyi ma tin to whẹndo de mẹ, e na vẹawu dọ pọninọ po gbekọndopọ po ni tin. Enẹwutu, nawẹ asu, asi, po mẹjitọ lẹ po gán nọ do owanyi hia to whẹndo mẹ gbọn?

Eyin asu de yiwanna asi etọn, nuhudo, linlẹn po numọtolanmẹ etọn lẹ po na nọ duahunmẹna ẹn. (Efe 5:28, 29) Humọ, e na nọ penukundo nuhudo whẹndo lọ tọn lẹ go to agbasa-liho podọ to gbigbọ-liho, bo nasọ nọ bayi sinsẹ̀n-bibasi whẹndo tọn to gbesisọ mẹ. (1Ti 5:8) Eyin asi de yiwanna asu etọn, e na nọ litai bo nọ tindo “sisi sisosiso” na ẹn. (Efe 5:22, 33; 1Pi 3:1-6) Asu po asi po dona wleawufo nado nọ jona ode awetọ sọn ojlo mẹ wá. (Efe 4:32) Mẹjitọ he yiwanna ovi yetọn lẹ nọ tindo ojlo to dopodopo yetọn lẹ mẹ bo nọ plọn yé nado yiwanna Jehovah. (De 6:6, 7; Efe 6:4) Enẹwutu, mẹjitọ lẹ gán nọ kanse yede dọ: Nuhahun tẹlẹ wẹ ovi ṣie lẹ nọ pehẹ to wehọmẹ? Nawẹ yé to pipehẹ kọgbidinamẹ hagbẹ yetọn lẹ tọn gbọn? Eyin owanyi tin to whẹndo mẹ, hagbẹ whẹndo lọ tọn lẹpo wẹ nọ vò bo nọ tindo numọtolanmẹ hihọ́ tọn.

PỌ́N VIDEO LỌ NỌ DO OWANYI HE MA NỌ GBOAWUPO HIA TO WHẸNDO MẸ, ENẸGODO NA GBLỌNDO NA KANBIỌ HE BỌDEGO LẸ:

• 

  Nawẹ asu he yiwanna asi etọn nọ na ẹn núdùdù bo nọ wlebòna ẹn gbọn?

• 

  Nawẹ asi he yiwanna asu etọn nọ dohia dọ emi tindo sisi sisosiso na ẹn gbọn?

• 

  Nawẹ mẹjitọ he yiwanna ovi yetọn lẹ nọ do Ohó Jiwheyẹwhe tọn do ahun yetọn mẹ gbọn?