Lehe A Gán Yí Adà lọ Hodọdopọ hẹ Whétọ lẹ Zan Do

Azọ́n susu wẹ e nọ biọ nado wleawuna adà lọ hodọdopọ hẹ whétọ lẹ, podọ wẹnlatọ susu nọ mọdọ e nọ gọalọ taun to aigba-denamẹ yetọn ji. Amọ́, na ninọmẹ lẹ nọ gbọnvo sọn fide jẹ fide wutu, to whenue wẹnlatọ lẹ to mahẹ tindo to lizọnyizọn lọ mẹ, yé gán de aliho hodọdopọ tọn kavi hosọ he na dọ̀nmẹ to lẹdo yetọn mẹ. Ṣigba, mẹlẹpo dona nọ hodo anademẹ he nọ yin nina gando nujijla vonọtaun go lẹ. Mí jlo na setonuna gbedide Jesu tọn bo lá wẹndagbe Ahọluduta lọ tọn.—Mt 24:14.

Eyin wẹnlatọ de do azọ́ndenamẹ wehọmẹvi tọn, hosọ he ji adà lọ hodọdopọ hẹ whétọ lẹ sinai do to Nuplọnwe Opli Gbẹzan po Lizọnyizọn Mítọn po Tọn mẹ wẹ e dona yizan. Etomọṣo, adavo nudọnamẹ devo yin nina, wẹnlatọ lẹ vò nado nọ de kanbiọ, wefọ, nuhe ji yé na dọhodo to whedevonu kavi aliho kunnudide tọn he na dọ̀nmẹ to lẹdo yetọn mẹ, eyin etlẹ gbọnvo na dehe to hodọdopọ hẹ whétọ lẹ glọ. Vọjlado de wẹ ehe yin na anademẹ he to weda 8tọ ji to nuplọnwe juin 2020 tọn mẹ.