Nudọnamẹ Nuyọnẹn Tọn lẹ Na Gbẹzan Egbesọ Tọn to JW.ORG Ji

To Ohó Jiwheyẹwhe tọn mẹ, mí nọ mọ nuhe na gọalọna mí lẹpo nado doakọnnanu to azán godo tọn he vẹawu ehelẹ mẹ. (2Ti 3:1, 16, 17) Etomọṣo to whedelẹnu, mí gán do hudo alọgọ tọn nado yọ́n nunọwhinnusẹ́n Biblu tọn he mí dona hodo to ninọmẹ tangan de mẹ lẹ. Di apajlẹ, be a to ayinamẹ dín nado plọn ovi towe lẹ whẹ́n wẹ ya? Be jọja aflanmẹ de wẹ a yin bo to pipehẹ whlepọn na yise towe wutu wẹ ya? Be a nọ blawu, na alọwlemẹ towe kú wutu wẹ ya? To jw.org ji, a na mọ nudọnamẹ lẹ gando nunọwhinnusẹ́n Biblu tọn he na gọalọna we to ninọmẹ enẹlẹ po susu devo lẹ po mẹ lẹ go.—Hwh 2:3-6.

To adà bẹjẹeji tọn jw.org tọn ji, zín NUHE BIBLU PLỌN MÍ. (Pọ́n yẹdide 1.) To nuhe na sọawuhia lẹ mẹ, de adà he na gọalọna we nado mọ nudọnamẹ he dín a te lẹ. Kavi zín WESẸDOTẸN, enẹgodo HOSỌ DEBỌDO-DEGO LẸ bo de adà he na gọalọna we nado mọ nudọnamẹ he dín a te lẹ. (Pọ́n yẹdide 2tọ.) Adà dopolọ lẹ to JW Library^® ji ga.a Enẹwutu, depope to nọtẹn awe lẹ mẹ wẹ a gán yizan. Aliho devo wẹ nado kàn nudọnamẹ tangan de do apotin dodinnanu tọn lọ mẹ to jw.org ji.

Kàn nudọnamẹ he bọdego lẹ do apotin dodinnanu tọn lọ mẹ. To hosọ he na sọawuhia lẹ mẹ, kàn dehe a jlo na hia lẹ.

• Ovi lẹ pinplọn whẹ́n

• Nulẹ tin yededenu

• Okú alọwlemẹ de tọn