GBẸZAN KLISTIANI TỌN
Nọ Pọ́n Dewe Hlan Dile Jehovah Nọ Wà Do
“Jehovah nọ hùnhomẹ do omẹ etọn lẹ go.” (Slm 149:4) Dile etlẹ yindọ mí yin mapenọ, Jehovah nọ mọ jẹhẹnu mítọn lẹ po nue mí gán wà to nukọn mẹ lẹ po. Amọ́ to whedelẹnu, e gán nọ vẹawuna mí nado mọ jẹhẹnu dagbe mítọn lẹ. Aliho he mẹ mẹlẹ nọ yinuwa hẹ mí te gán zọ́n bọ mí na nọ mọ ovọ́ mẹ na míde. Kavi eyin mí nọ ze ayiha do nuhe mí ṣiwà wayi lẹ ji, e na nọ vẹawuna mí nado mọdọ Jehovah yiwanna mí sisosiso. Nawẹ mí gán duto numọtolanmẹ enẹlẹ ji gbọn?
Flindọ Jehovah nọ mọ nuhe gbẹtọ ma gán mọ. (1Sa 16:7) Enẹ dohia dọ e tlẹ nọ mọ jẹhẹnu mítọn he go mílọsu ma nọ doayi lẹ. Ayajẹnu wẹ e yin dọ Biblu dọ nukun he Jehovah nọ yí do pọ́n mí. Enẹwutu, dogbigbapọnna wefọ Biblu tọn he do owanyi sisosiso he Jehovah tindo na sinsẹ̀n-basitọ etọn lẹ hia lẹ gán gọalọna mí nado mọnukunnujẹ nue Biblu dọ mẹ.
PỌ́N VIDEO LỌ HẸN AHUN TOWE DEJI TO JEHOVAH NUKỌN, ENẸGODO NA GBLỌNDO NA KANBIỌ HE BỌDEGO LẸ:
Etẹwẹ apajlẹ wezundotọ de po otọ́ etọn po tọn plọn mí gando nukun he Jehovah nọ yí do pọ́n mí go?
Eyin mẹhe waylando sinsinyẹn de ze afọdide he jẹ lẹ nado jla haṣinṣan etọn do hẹ Jehovah, nawẹ e gán na jide ahun etọn to Jehovah nukọn gbọn?—1Jo 3:19, 20
Nawẹ otàn Davidi po Jehoṣafati po tọn hihia gọna ayihamẹlinlẹnpọn do e ji gọalọna mẹmẹsunnu lọ gbọn?