Lehe A Gán Bayi Dodinnanu Do

Nuplọnmẹwe Yọpọvu lẹ Tọn

Azọngban pinpẹn de wẹ mẹjitọ lẹ tindo nado plọnnu ovi yetọn lẹ gando Jehovah go. (Efe. 6:4) Nado gọalọna mẹjitọ lẹ, titobasinanu Jehovah tọn ko de azọ́nwanu voovo lẹ tọ́n. Nawẹ a gán yí yé zan nado plọn ovi towe lẹ gbọn?

• Dín azọ́nwanu lọ lẹ mọ. JW.ORG bẹ nuhe yin didetọn do jọja lẹ tamẹ lẹpo hẹn, enẹ wẹ video po nuplọnmẹwe he mẹ yé gán kanwe gọ́ lẹ po.a Nado mọ yé yí, kàn hogbe lọ “Yọpọvu Lẹ” kavi “Jọja Lẹ” do apotin nudindin tọn lọ mẹ.

• De azọ́nwanu he na yọ́n na ovi towe. Onú voovo he yin didetọn to adà lọ “Yọpovu Lẹ” glọ gán gọalọna we nado de video, ohàn po nuplọnmẹwe he na yọ́n na ovi towe po. Nado mọ yé, dín “Tito Nupinplọn Tọn Na Sinsẹ̀n-Bibasi Whẹndo Tọn.”

• Nọ de whenu dovo nado plọnnu do onú ehelẹ ji hẹ ovi towe. Ma nọ yí video kavi nuplọnmẹwe mítọn lẹ zan nado hẹn alọnu ján na ovi towe poun blo. Kakatimọ, nọ dọhodo yé ji hẹ ovi towe bo gọalọna ẹn nado hẹn haṣinṣan etọn hẹ Jehovah lodo.