Akọndidona Mawadodo

Hia Jenẹsisi 37:23-28; 39:17-23 nado plọnnu sọn apajlẹ Josẹfu tọn mẹ na nuhe dù akọndidona mawadodo.

Lẹnnupọndo lẹdo hodidọ lọ tọn ji. Naegbọn mẹdevo lẹ do yinuwa hẹ Josẹfu to aliho mawadodo tọn mẹ? (Jen. 37:3-11; 39:1, 6-10) Ojlẹ nẹmu wẹ Josẹfu dona doakọnna mawadodo na? (Jen. 37:2; 41:46) To ojlẹ enẹ mẹ, etẹwẹ Jehovah wà na Josẹfu, amọ́ etẹwẹ E ma wà?—Jen. 39:2, 21; w23.01 17 huk. 13.

Dindonanu dogọ. Biblu ma dọ dọ Josẹfu yiavùnlọna ede gando owhẹ̀ agọ̀ he asi Pọtifali tọn sà dokọna ẹn lẹ go. Nawẹ wefọ he bọdego ehelẹ gọalọna mí nado lẹnnupọndo nuhewutu Josẹfu gán ko de nado nabọẹ kavi nuhewutu mí ma dona donukun dọ nudọnamẹ gigọ́ lẹpo ni yin didehia ji gbọn? (Howh. 20:2; Joh. 21:25; Owalọ 21:37) Jẹhẹnu tẹlẹ wẹ gán ko gọalọna Josẹfu nado doakọnna mawadodo?—Mika 7:7; Luku 14:11; Jak. 1:2, 3.

Doayi nuplọnmẹ lọ lẹ go. Kanse dewe dọ:

• ‘Nuyiwahẹmẹ agọ̀ tẹwẹ n’gán donukun dọ n’na pehẹ taidi devi Jesu tọn de?’ (Luku 21:12, 16, 17; Heb. 10:33, 34)

• ‘Nawẹ n’gán wleawudai nado pehẹ mawadodo po kọdetọn dagbe po gbọn?’ (Salm. 62:7, 8; 105:17-19; w19.07 2-7)