Be Jiwheyẹwhe Yin Atọ̀n-to-Dopo mẹ Wẹ Ya?
Gblọndo Biblu tọn
Sinsẹ̀n Klistiani tọn susu nọ plọnmẹ dọ Jiwheyẹwhe yin Atọ̀n-to-dopo mẹ. Ṣigba, owe lọ Encyclopædia Britannica dọmọ: “Hogbe lọ Atọ̀n-to-dopo mẹ kavi sinsẹ̀n-nuplọnmẹ he họnwun mọnkọtọn de ma sọawuhia to Alẹnu Yọyọ mẹ . . . Sinsẹ̀n-nuplọnmẹ ehe bẹjẹeji vudevude bo jẹ nukọnyi ji to owhe kanweko susu podọ gbọn nudindọn susu gblamẹ.”
Na nugbo tọn, Biblu ma do Jiwheyẹwhe hia to fidepope taidi mẹhe yin apadewhe Atọ̀n-to-dopo mẹ tọn gba. Doayi nuhe wefọ Biblu tọn ehelẹ dọ go:
“OKLUNỌ lọ Jiwheyẹwhe mítọn OKLUNỌ dopo wẹ.”—Deutelonomi 6:4.
“Hiẹ, oyín mẹhetọn dopo kẹdẹ nọ yín JEHOVAH, wẹ Gigogán to wẹkẹ lẹpo ji.”—Psalm 83:18.
“Ehe wẹ ogbẹ̀ madopodo, dọ yé ni to vivẹnudo zọnmii nado yọ́n hiẹ Jiwheyẹwhe nugbo dopo kẹdẹ lọ, podọ mẹhe hiẹ dohlan, yèdọ Jesu Klisti.”—Johanu 17:3.
“Jiwheyẹwhe yin omẹ dopo gee.”—Galatianu lẹ 3:20.
Naegbọn suhugan sinsẹ̀n Klistiani tọn lẹ tọn nọ dọ dọ Jiwheyẹwhe yin Atọ̀n-to-dopo mẹ?