Be Kunnudetọ Jehovah tọn lẹ nọ wà azọ́njiawu azọ̀nhẹngbọ tọn lẹ wẹ ya? — WESẸDOTẸN INTẸNẸT JI TỌN Watchtower Tọn

WESẸDOTẸN INTẸNẸT JI TỌN Watchtower Tọn

WESẸDOTẸN INTẸNẸT JI TỌN

Watchtower Tọn

w11 1/1 w. 27
Be Kunnudetọ Jehovah tọn lẹ nọ wà azọ́njiawu azọ̀nhẹngbọ tọn lẹ wẹ ya?

Atọ̀họ̀-Nuhihọ́ lọ Tọn He To Ahọluduta Jehovah Tọn Lá—2011

w11 1/1 w. 27

Kanbiọ Wehiatọ Mítọn lẹ Tọn . . .

Be Kunnudetọ Jehovah tọn lẹ nọ wà azọ́njiawu azọ̀nhẹngbọ tọn lẹ wẹ ya?

▪ Kunnudetọ Jehovah tọn lẹ ma ko wà azọ́njiawu azọ̀nhẹngbọ tọn pọ́n. Taidi Jesu, yé yise dọ azọ́ndenamẹ yetọn tintan wẹ nado dọyẹwheho wẹndagbe tọn gando Ahọluduta Jiwheyẹwhe tọn go. Yé sọ yise dọ e ma yin azọ́njiawu azọ̀nhẹngbọ tọn wẹ nọ do Klistiani nugbo lẹ hia gba, ṣigba onú devo pete wẹ nọ do yé hia, yèdọ nude he yin nujọnu hugan.

Ayihaawe ma tin dọ aliho he mẹ Jesu hẹnazọ̀ngbọna awutunọ lẹ to owhe kanweko tintan W.M. po awuvẹmẹ po te tindo zẹẹmẹ nujọnu tọn na mímẹpo. E gbọnmọ dali hẹn mí deji dọ to gandudu etọn taidi ahọlu Ahọluduta Jiwheyẹwhe tọn glọ, “finẹnu lẹ ma to na dọmọ, yẹn to azọ̀njẹ.”—Isaia 33:24.

Egbehe lo? Mẹhe nọ hẹnazọ̀ngbọ to sinsẹ̀n Mẹylọhodotọklisti tọn po delẹ to sinsẹ̀n he ma yin Klistiani lẹ tọn po mẹ lẹ nọ sọalọakọ́n dọ emi nọ hẹnazọ̀ngbọ to azọ́njiawu-liho. Ṣigba, Jesu na avase sinsinyẹn sọta mẹdepope he na sọalọakọ́n dọ emi nọ “wà azọ́n huhlọnnọ susu” to oyín etọn mẹ lẹ. E na dọna yé dọmọ: “Yẹn ma yọ́n mì gbede, Mì tọ́n sọn dè e, mì azọ́n ylankan watọ lẹ.” (Matiu 7:22, 23, Biblu Wiwe Lọ Gun Alada) Enẹwutu, be Jiwheyẹwhe dè wẹ azọ́njiawu azọ̀nhẹngbọ tọn he gbẹtọ lẹ dọ dọ emi nọ basi to egbehe lẹ wá sọn nugbonugbo ya?

Mì gbọ mí ni gbadopọnna nuhe Biblu dọ gando azọ̀nhẹngbọ he Jesu basi lẹ go. Eyin mí yí kandai Owe-wiwe tọn ehe jlẹdo aliho he mẹ mẹhe nọ hẹnazọ̀ngbọ to egbehe lẹ nọ wà azọ́njiawu yetọn lẹ te go, e na bọawuna mí taun nado yọnẹn eyin Jiwheyẹwhe dè wẹ azọ́njiawu azọ̀nhẹngbọ egbezangbe tọn lẹ nọ wá sọn.

Jesu ma hẹnazọ̀ngbọna gbẹtọ lẹ nado dọ̀n hodotọ kavi gbẹtọgun lẹ wá ede dè gba. Kakatimọ, e hẹnazọ̀ngbọna mẹsusu to nuglọ. Whlasusu wẹ e dọna mẹhe e hẹnazọ̀ngbọna lẹ ma nado dọ ẹ na mẹdepope.—Luku 5:13, 14.

Jesu ma biọ akuẹ na azọ́njiawu he e wà lẹ pọ́n gbede. (Matiu 10:8) Podọ e tindo kọdetọn dagbe to azọ́njiawu he e wà lẹpo mẹ. Awutunọ he wá e dè lẹpo wẹ jẹgangan mlẹnmlẹn, podọ azọ̀nhẹngbọ yetọn ma sinai do yise he yé tindo ji gba. (Luku 6:19; Johanu 5:5-9, 13) Jesu tlẹ sọ fọ́n oṣiọ lẹ sọnku ga!—Luku 7:11-17; 8:40-56; Johanu 11:38-44.

Dile etlẹ yindọ Jesu wà azọ́njiawu enẹlẹ, lẹndai lizọnyizọn etọn tọn ma yin nado pli yisenọ lẹ gbọn azọ́njiawu he e wà lẹ dali gba. Kakatimọ, azọ́n etọn tintan wẹ nado lá wẹndagbe Ahọluduta Jiwheyẹwhe tọn. Jesu basi titona hodotọ etọn lẹ nado hẹn gbẹtọ lẹ zun devi he na nọ plọnnu mẹdevo lẹ gando todido lọ nado tindo agbasalilo pipé to Ahọluduta Jiwheyẹwhe tọn glọ go.—Matiu 28:19, 20.

Nugbo wẹ dọ delẹ to hodotọ owhe kanweko tintan Jesu tọn lẹ mẹ tindo nunina azọ̀nhẹngbọ tọn, ṣigba nunina ehelẹ na wá doalọte. (1 Kọlintinu lẹ 12:29, 30; 13:8, 13) To egbehe, owanyi mẹde-yido-sanvọ́ tọn wẹ nọ dohiagona Klistiani nugbo lẹ, e ma yin nuyiwa azọ̀nhẹngbọ tọn lẹ gba. (Johanu 13:35) Azọ́njiawu azọ̀nhẹngbọ tọn he gbẹtọ lẹ nọ basi to egbehe lẹ ma ko gọalọ nado wleawuna pipli Klistiani lẹ tọn de he wá sọn akọ̀ po ninọmẹ voovo lẹpo mẹ bo yin kinkọndopọ to owanyi mọnkọtọn mẹ gba.

Ṣigba, pipli Klistiani tọn de tin he owanyi kọndopọ pẹkipẹki sọmọ bọ yé nọ gbẹ́ ma nado gbleawuna ode awetọ—kavi mẹdevo—etlẹ yin to nudindọn sinsinyẹn lẹ mẹ. Mẹnu lẹ wẹ? Kunnudetọ Jehovah tọn lẹ wẹ. Yé yin yinyọnẹn lẹdo aihọn pé na yé nọ do owanyi Klisti tọn nkọ hia. Azọ́njiawu de wẹ e yin nado kọ̀n gbẹtọ he wá sọn akọ̀, otò, aṣa po hẹnnu voovo lẹ po mẹ dopọ, podọ gbigbọ wiwe Jiwheyẹwhe tọn kẹdẹ wẹ hẹn ehe yọnbasi. Naegbọn hiẹ ma nado yì dopo to opli yetọn lẹ tẹnmẹ bo yí nukun towe lẹ do mọ?

[Yẹdide to weda 27]

Be Jiwheyẹwhe dè wẹ azọ́njiawu azọ̀nhẹngbọ egbezangbe tọn lẹ (dile eyin didohia to adusiwhé do) wá sọn nugbonugbo ya?