Sunzanhiawe 2011 Tọn Zinnudo Sinsẹ̀n-Bibasi Whẹndo Tọn Ji

Hosọ sunzanhiawe Calendrier des Témoins de Jéhovah 2011 tọn wẹ Sinsẹ̀n-Bibasi Whẹndo tọn. Sunzanhiawe lọ do whẹndo egbezangbe tọn po ojlẹ Biblu tọn mẹ lẹ tọn po hia. E sọ do alọwlemẹ asu po asi po gọna devizọnwatọ Jehovah tọn tlẹnnọ he to Ohó etọn plọn lẹ hia.

Mẹhe go Biblu donù bọ yé sọawuhia to sunzanhiawe lọ ji lẹ hùnhomẹ to osẹ́n Jehovah tọn mẹ, podọ ehe gọalọna yé taun nado pehẹ nuhahun tangan yetọn lẹ. (Ps. 1:2, 3) Vlavo mí yin hagbẹ whẹndo daho kavi pẹvi de tọn, kavi dọ hagbẹ whẹndo tọn mítọn lẹ tin to agun mẹ kavi lala, dile mí to yẹdide lọ lẹ dopodopo pọ́n, e na gọalọna mí nado flindọ nujọnu wẹ Sinsẹ̀n-Bibasi Whẹndo tọn yin. Otẹn de yin awuwlena do sunzanhiawe lọ ji na hiẹ nido kàn azán he whẹndo towe de dovo na Sinsẹ̀n-Bibasi Whẹndo tọn. Be hiẹ ko kanwe-gọ́ ẹ ya?